မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ အောက်မြန်မာပြည် လူငယ်တွေနဲ့ ရန်ကုန် အန်အယ်လ်ဒီ ရုံးချုပ်မှာ ဒီကနေ့ တွေ့ဆုံ ဆွေးနွေးရာမှာ တိုင်းပြည်ရဲ့အနာဂတ်ဟာ လူငယ်တွေ အပေါ်မှာ မူတည်တာ မှန်ပေမယ့် အဲဒီလူငယ်တွေ အနေနဲ့ အရည်အချင်း ပြည့်ဝဖို့ လိုအပ်ကြောင်း ပြောဆိုသွားပါတယ်။

 

“တိုင်းပြည်ရဲ့အနာဂတ် ဘယ်လောက်ကောင်းတယ် ဘယ်လောက်ဆိုးတယ်ဆိုတာ လူငယ်တွေရဲ့ အရည်အချင်းပေါ်မှာပဲ တည်တယ်။ ဒီလူငယ်တွေက လူကြီးဖြစ်သွားလို့ ရှိရင် ဒီလူငယ်တွေပဲ တိုင်းပြည်ရဲ့တာဝန်ကို ထမ်းဆောင် ရမှာပဲ။ လုပ်ချင်လုပ်ချင် မလုပ်ချင်လုပ်ချင် ဒီလူငယ်တွေရဲ့ ပခုံးပေါ်မှာ ကျလာမှာပဲ။ အဲဒီတော့ ဒီလူငယ်တွေက အရည်အချင်း မပြည့်စုံလို့ ရှိရင် တိုင်းပြည်ရဲ့ အနာဂါတ်က လှမှာ မဟုတ်ဘူး။ ဒီလူငယ်တွေက စိတ်ဓာတ် ကလည်း မှန်တယ်၊ အရည်အချင်း ကလည်း ရှိတယ်၊ ဇွဲလည်း ကောင်းတယ်၊ သတ္တိလည်း ရှိတယ်၊ လုပ်ရည် ကိုင်ရည် ကလည်း ပြည့်စုံတယ် ဆိုရင် ကျမတို့ တိုင်းပြည် အနာဂါတ်က လှမှာပေါ့။” ဒါ့ပြင် လူငယ်တွေအနေနဲ့ တာဝန်သိစိတ် ရှိဖို့လိုကြောင်း၊ တိုင်းပြည် အကျိုး ဆောင်ရွက်သူတွေကို တိုင်းပြည်က မေ့လျော့မှာ မဟုတ်ကြောင်းနဲ့ ဗဟုသုတ တိုးပွားအောင် ဆောင်ရွက်ကြဖို့ အရေးကြီးကြောင်း စသဖြင့်လည်း ပြောဆိုသွားခဲ့ပါတယ်။ ဒေါ်အောင်ဆန်းစုကြည် ဒီကနေ့ ပြောကြားချက်တွေကို RFA အဖွဲ့သူဒေါ်ခင်ခင်အိက ကောက်နှုတ် တင်ပြထားတာ နားဆင်နိုင်ပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

NLD ပါတီဟာ တရားမ၀င် ပါတီဖြစ်တာကြောင့် လက်ရှိ နိုင်ငံရေး လှုပ်ရှားမှုတွေကို ရပ်တန့်ဖို့ မြန်မာအစိုးရ ပြည်ထဲရေးဝန်ကြီးဌာနက သတိပေးကြေညာချက် ထုတ်ပြန်လိုက်တာဟာ ပြည်သူတွေကြား ဒေါ်အောင်ဆန်းစုကြည်ရဲ့ နိုင်ငံရေး ဦးဆောင်မှုအပေါ် စိုးရိမ်ထိတ်လန့်ရာ ရောက်နေတယ်လို့ လက်နက်ကိုင် တိုင်းရင်းသား အဖွဲ့တွေက သုံးသပ်ကြပါတယ်။

၁၉၉၀ ရွေးကောက်ပွဲ အနိုင်ရ ပြည်တွင်း NLD လွှတ်တော်အမတ်တွေနဲ့ လက်နက်ကိုင် တိုင်းရင်းသား KNU ကရင်အမျိုးသား အစည်းအရုံးကရော NMSP မွန်ပြည်သစ်ပါတီ တို့ကပါ သုံးသပ်ကြတာ ဖြစ်ပါတယ်။ အပစ်ခတ်ရပ် ငြိမ်းချမ်းရေးယူစဉ်က နိုင်ငံရေး ပြဿနာတွေကို ရွေးကောက်ပွဲ အရ တက်လာမယ့် အစိုးရနဲ့သာ ဆွေးနွေးပါလို့ တိုင်းရင်းသား လက်နက်ကိုင် အဖွဲ့တွေကို ယ္ခင် စစ်အစိုးရ လက်ထက်က ပြောခဲ့ပေမယ့် လတ်တလော ကချင်၊ရှမ်း၊ ကရင် ဒေသတွေမှာ ဖြစ်ပေါ်နေတဲ့ အစိုးရတပ်တွေရဲ့ ထိုးစစ်ကို ကြည့်ရင် လက်ရှိ အစိုးရဟာ နိုင်ငံရေး အရ ဆွေးနွေးလိုစိတ် မရှိဘူး ဆိုတာကို ပြသနေကြောင်း KNU နဲ့ NMSP ပါတီတို့က သုံးသပ်ပါတယ်။ NLD လွှတ်တော်အမတ်တွေနဲ့ တိုင်းရင်းသား လက်နက်ကိုင် ခေါင်းဆောင်တွေရဲ့ အမြင်ကို RFA အဖွဲ့သား ကိုဥာဏ်ဝင်းအောင်က စုစည်းတင်ပြထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

NLD ပါတီ အနေနဲ့ တရားဥပဒေနဲ့ အညီ လိုက်နာ ဆောင်ရွက်ရေး ဆိုပြီး ပြည်ထဲရေး ၀န်ကြီးဌာနက သတိပေးစာနဲ့ ပတ်သက်ပြီး NLD ပါတီဟာ ဥပဒေ နဲ့ အညီ ရပ်တည်လျက်ရှိတဲ့ ပါတီဖြစ်ကြောင်း ပြည်ထဲရေးဝန်ကြီးနဲ့ တွေ့ဆုံ ဆွေးနွေးလိုကြောင်း NLD ပါတီက ကြေညာချက်စာတစောင် ဒီကနေ့ ထုတ်ပြန် လိုက်ပါတယ်။

ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို က ဦးအောင်ရွှေနဲ့ ဒေါ်အောင်ဆန်းစုကြည်ထံ ဇွန်လ ၂၈ရက်နေ့ နေ့စွဲနဲ့ လိပ်မူပြီး NLD ပါတီဟာ တရားဝင် ပါတီ မဟုတ်တော့ကြောင်း နဲ့ ပါတီရဲ့ ဆောင်ရွက်ချက်တွေဟာ တရားဥပဒေ စိုးမိုးရေးကို ထိခိုက်စေကြောင်း၊ ဒါကြောင့် ဥပဒေနဲ့ အညီ လိုက်နာ ဆောင်ရွက်ဘို့ စာတစောင် ပေးပို့ခဲ့ပါတယ်။

အလားတူ အစိုးရထုတ် သတင်းစာတွေမှာ ဒေါ်အောင်ဆန်းစုကြည် နယ်ခရီးထွက်ဖို့ ရှိပြီး အရင် အတွေ့အကြုံတွေ အရ ဒီခရီးစဉ်မှာ ရုတ်ရုတ်သဲသဲ ဖြစ်မှာကို စိုးရိမ်တယ်လို့ ရေးသားထားတဲ့ ဆောင်းပါးတပုဒ်လည်း ဖေါ်ပြထားပါတယ်။

ပြည်ထဲရေးဝန်ကြီးဌာနက သတိပေးစာ နဲ့ပတ်သက်ပြီး NLD ပါတီက ပြည်ထဲရေး ၀န်ကြီးထံ ဒီကနေ့ ပြန်ကြားချက်စာတစောင် ပို့ခဲ့သလို ဒီစာကို ပါတီက ကြေညာချက် အဖြစ် ဒီကနေ့ နေ့စွဲနဲ့ ထုတ်ပြန်ခဲ့တာပါ။ ကြေညာချက်မှာ NLD ပါတီရဲ့ ရပ်တည်ချက်ကို ဖေါ်ညွန်း ရေးသားထားတာ ဖြစ်သလို ပြည်ထဲရေး ၀န်ကြီးနဲ့ တွေ့ဆုံ ဆွေးနွေးနိုင်ရေးကို ပန်ကြားထားတယ်လို့ ပါတီ ပြန်ကြားရေး တာဝန်ခံ ဦးအုန်းကြိုင်က ပြောပါတယ်။

NLD ကို ပြည်ထဲရေး ၀န်ကြီးဌာနက ဒီကနေ့ သတိပေး အကြောင်းကြားတာနဲ့ ပတ်သက်လို့ ဗြိတိန် အခြေစိုက် မြန်မာ့အရေး လှုပ်ရှားမှုအဖွဲ့ Burma Campaign UK က ဝေဖန်ရှုတ်ချလိုက်ပြီး မြန်မာနိုင်ငံနဲ့ ပတ်သက်လို့ အရေးယူ ဆောင်ရွက်ပေးဖို့ ကုလသမဂ္ဂ အတွင်းရေးမှုးချုပ်ကို တိုက်တွန်းလိုက်ပါတယ်။

မြန်မာအစိုးရ ရေးသားပြောဆိုပုံ အသုံးအနှုန်းဟာ ၂၀၀၃ ခုနှစ် ဒီပဲယင်း တိုက်ခိုက်မှု မတိုင်ခင်က မြန်မာ စစ်အာဏာရှင်တွေက အသုံးပြုခဲ့တဲ့ အသုံးအနှုန်း ဖြစ်ကြောင်း၊ ဒါ့ကြောင့် ကုလသမဂ္ဂ အတွင်းရေးမှူးချုပ် ဘန်ကီမွန်း အနေနဲ့ မြန်မာနိုင်ငံ အပေါ် စောင့်ကြည့် လေ့လာရေး မူဝါဒကို စွန့်လွတ်ဖို့ အချိန်တန်ပြီ ဖြစ်ကြောင်း အဖွဲ့ရဲ့ အမှုဆောင် ညွန်ကြားရေးမှူး Anna Roberts က ပြောပါတယ်။

ဒေါ်အောင်ဆန်းစုကြည် အတ္ထုပ္ပတ္တိ ရုပ်ရှင် မှာ ဒေါ်အောင်ဆန်းစုကြည် အဖြစ် ပါဝင် သရုပ်ဆောင်သူ ကမ္ဘာကျော် ဟောလီဝုဒ် ရုပ်ရှင်မင်းသမီး မစ်ရှယ်လ်ယို ကို အစိုးရက ရန်ကုန်ကို အ၀င်မခံဘဲ လေဆိပ်ကနေ ဇွန်လ ၂၂ ရက်နေ့က ပြန်နှင်လွတ် လိုက်တယ်လို့ သိရပါတယ်။

မင်းသမီး မစ်ရှယ်လ်ယို ကို အစိုးရက နာမည်ပျက် စာရင်း သွင်းထားတာကြောင့် ပြည်ဝင်ခွင့် ပိတ်ပင်တာ ဖြစ်တယ်လို့ အမည် မဖေါ်လိုတဲ့ မြန်မာ အရာရှိတဦးကို ကိုးကားပြီး ရန်ကုန်ကလာတဲ့ နိုင်ငံခြား သတင်းတွေက ရေးသားပါတယ်။ ဒီကိစ္စနဲ့ ပတ်သက်ပြီး NLD ပါတီက ပြောခွင့်ရ ဦးဥာဏ်ဝင်းကို မေးကြည့်တဲ့ ဒီဖြစ်ရပ်ဟာ စိတ်မကောင်းစရာ ဖြစ်တယ်လို့ ပြောပါတယ်။

“ဒီဗီဇာကိစ္စနဲ့ ပတ်သက်ပြီးတော့ အလွန် အထိမခံ ဆိုတာမျိုး ဖြစ်နေတာပေါ့။ သူက အနုပညာသမားဘဲ။ အနုပညာသမား အတိုင်းဘဲ ရှိမှာပေါ့။ ဒါကိုတောင်မှ ဒီမိသားစုနဲ့ ရင်းနှီးတယ်ဆိုတာကို လက်မခံတဲ့ သဘော၊ အဲဒီလိုဟာကတော့ သိပ်မကောင်းဘူးလို့တော့ ထင်ပါတယ်။”

 မင်းသမီးမစ်ရှယ်လ်ယို ဟာ ဒေါ်အောင်ဆန်းစုကြည်ရဲ့ ရုပ်ရှင် ရိုက်ကူးရေး အတွက် ပြီးခဲ့တဲ့နှစ် ဒီဇင်္ဘာလက မြန်မာနိုင်ငံကို တကြိမ် ရောက်ရှိလာတာ ဖြစ်ပြီး ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်။

 မစ်ရှယ်လ်ယို ဟာ James Bond ရုပ်ရှင် Tomorrow never dies နဲ့ ကမ္ဘာကျော်ခဲ့တာ ဖြစ်ပြီး Crouching Tiger, Hidden Dragon ရုပ်ရှင်နဲ့ အကောင်းဆုံး သရုပ်ဆောင် မင်းသမီး အဖြစ် အော်စကာဆု အတွက် လျာထား ခံရသူ ဖြစ်ပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အထက်မြန်မာပြည် လူငယ် (၇၃) ဦးနဲ့ ရန်ကုန် ရွှေဂုံတိုင်မှာ ရှိတဲ့ NLD အဖွဲ့ချုပ်ရုံးမှာ ဒီကနေ့ တွေ့ဆုံ ဆွေးနွေးကြောင်း သတင်း ရရှိပါတယ်။

ဆွေးနွေးပွဲကို ကချင်ပြည်နယ်၊ ချင်းပြည်နယ် ရှမ်းပြည်နယ်နဲ့ စစ်ကိုင်းတိုင်း မန္တလေးတိုင်း မကွေးတိုင်းတို့က NLD အဖွဲ့ဝင် လူငယ်တွေ တက်ရောက်ကြပြီး လူငယ် (၇၃) ဦးထဲက အသက် (၃၅) နှစ်အောက်လူငယ် အယောက်(၃၀)က ဖက်ဒရယ်အရေး လူငယ်အင်အားတိုးချဲ့ဖွဲ့စည်းရေး အကြမ်းမဖက်လှုပ်ရှားမှုကိစ္စနဲ့ ပြည်သူတွေကြားဖြစ်ပေါ်နေတဲ့ လက်ရှိနိုင်ငံရေး အခြေအနေတွေကို အပြန်အလှန်ဆွေးနွေးခဲ့ကြောင်း သိရပါတယ်။

ဒီလိုဆွေးနွေးရာမှာ ဒီမိုကရေစီရရှိရေးကြိုးပမ်းမှု ကြန့်ကြာနေတဲ့ကိစ္စကို ဝေဖန်နေတာတွေနဲ့ ပတ်သက်လို့ ဒေါ်အောင်ဆန်းစုကြည် ပြောသွားတာက -

“ပြည်သူတိုင်း ပြည်သူတိုင်းမှာ အတိုင်းအတာ တခုအထိတော့ တာဝန်ရှိတာဘဲ။ အဲဒီတော့ ဒီမိုကရေစီ အခွင့်အရေးကိုတော့ လိုချင်တယ်။ တာဝန်ကိုတော့ မယူချင်ဘူးဆိုရင်တော့ ဒါက မဖြစ်သင့်တဲ့ ကိစ္စဘဲ။ ကျမတို့ထဲမှာ လူငယ်တယောက် ပြောသွားတာ ကျမ သိပ်သဘောကျတယ်။ ကြောက်စိတ်ကို ဘာနဲ့ ကျော်လွှားရမလဲ။ တာဝန်သိစိတ်နဲ့ ကျော်လွှားရမယ် ဆိုတာ ဒါ အင်မတန် မှန်ပါတယ်။”

NLD အဖွဲ့ချုပ်ရုံး လူငယ် ဆွေးနွေးပွဲရဲ့ မနက်ပိုင်း အစီအစဉ်မှာတော့ ကချင်ပြည်နယ်၊ ချင်းပြည်နယ်၊ ရှမ်းပြည်နယ်တို့က လူငယ်(၂) ဦးစီနဲ့ စစ်ကိုင်းတိုင်းက (၆) ဦး မကွေးတိုင်းက (၃)ဦးတို့ ဆွေးနွေးခဲ့ကြပြီး ညနေပိုင်းမှာတော့ မန္တလေးတိုင်းက(၁၁) ဦးနဲ့ မကွေးတိုင်းက (၃) ဦးတို့ ဆွေးနွေးခဲ့ကြပါတယ်။

ဆွေးနွေးကြတဲ့ အကြောင်းအရာတွေကိုတော့ NLD ပြန်ကြားရေး တာဝန်ခံ ဦးအုန်းကြိုင်က ရှင်းပြပါတယ်။ 

“ဒေါ်အောင်ဆန်းစုကြည်က ပြန်လည်ဖြေကြားပါတယ်။ ပြည်ထောင်စု စိတ်ဓါတ် ရှင်သန်အောင် ဘယ်လို ဆောင်ရွက်မလဲ ဆိုတဲ့ လမ်းညွှန်ချက်တွေ၊ လွတ်လပ်စွာ ဘယ်လို ဗဟုသုတရှာမလဲ၊ ပြည်သူ့ ဒီမိုကရေစီနဲ့ လူငယ်ကွန်ယက် အကြောင်း၊ ကွန်ယက်ရဲ့ သဘောတရား၊ လူငယ်အချင်းချင်း ဆက်သွယ် ဖြည့်ဆည်းပေးဖို့ လိုအပ်နေပုံတွေ၊ အထွေထွေ နိုင်ငံရေး အခြေအနေတွေ စသဖြင့် ဖြေကြား ဆွေးနွေးလမ်းညွှန်ပါတယ်။ “

မနက်ဖြန်မှာတော့ ရန်ကုန် ပဲခူး ဧရာဝတီတိုင်းတွေနဲ့ မွန်ပြည်နယ် တနင်္သာရီတိုင်းစတဲ့ အောက်မြန်မာလူငယ်တွေနဲ့ ဒေါ်အောင်ဆန်းစုကြည် ဆွေးနွေးဖို့ ရှိကြောင်း သိရပါတယ်။

ဒီအခမ်းအနားမှာ ဒေါ်အောင်ဆန်းစုကြည်ရဲ့ ဆွေးနွေးချက်နဲ့ ပတ်သက်လို့ RFA အဖွဲ့သူ မခင်ခင်အိက ကောက်နှုတ်တင်ဆက်ထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

ဘယ်လို ဆွေးနွေးကြတယ်ဆိုတာနဲ့ ပတ်သက်လို့ RFA အဖွဲ့သား ကိုဥာဏ်ဝင်းအောင်က စုစည်းတင်ပြထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

မြန်မာအစိုးရ ထိပ်ပိုင်းခေါင်းဆောင်တွေ ၊ စစ်ဗိုလ်ချုပ်ကြီးတွေနဲ့ ပူးတွဲ စီးပွားရေး လုပ်ကိုင်နေကြတဲ့ သန်းကြွယ် သူဌေး လုပ်ငန်းရှင်တွေ အပြင်၊ အစိုးရကို မီဒီယာ လုပ်ငန်းနဲ့  ကျောထောက် နောက်ခံ ပြုနေသူ စုစုပေါင်း (၄၂) ဦးကျော် ကို ဘဏ္ဍာရေး ပိတ်ဆို့မှု စာရင်းမှာ ထည့်သွင်း အရေးယူဖို့  မြန်မာ့အရေး လှုပ်ရှားမှု အဖွဲ့ USCB က အမေရိကန် အစိုးရထံ မနေ့ က စာရေးပြီး တင်ပြ တောင်းဆို လိုက်ပါတယ်။

အခုလို နောက်ထပ် စီးပွားရေး လုပ်ငန်းရှင်တွေ၊ မီဒီယာ ထုတ်ဝေသူတွေကိုပါ ဘာကြောင့် အရေးယူပေးဖို့  တင်ပြခဲ့ရသလဲ ဆိုတာကိုတော့ မြန်မာ့အရေး လှုပ်ရှားမှုအဖွဲ့ USCB ဒါရိုက်တာ ဦးအောင်ဒင်က အာအက်ဖ်အေ ကိုပြောပြတာက -

“ကျနော်တို့ ပြည်တွင်းကို ပြန်ကြည့်တဲ့ အခါကျတော့ အလိုတော်ရိ စီးပွါးရေးသမားတွေက ပိုတောင် ဆိုးလာကြတယ်။ သူတို့က အစိုးရအဖွဲ့ရဲ့ အောက်မှာ ရှိနေတယ်။ ဒေသခံ အာဏာပိုင်တွေ ထက်တောင် သူတို့က အာဏာရှိနေတယ်။ လူထုရဲ့ မြေတွေ၊ ငါးဖမ်းကွက်တွေ ဒါတွေကို အဓမ္မသိမ်းပြီးတော့ အစိုးရနဲ့ ပေါင်းပြီးတော့ development project ကြီးတွေ တည်ဆောက်၊ ဟိုတယ်ကြီးတွေ၊ စက်ရုံတွေ၊ သတ္တုတွင်းတွေ တည်ဆောက်နဲ့။ လူထုက စစ်အုပ်စုနဲ့ စီးပွါးရေးသမားတွေ ပူးပေါင်းပြီး အကြမ်းဖက် နှိပ်စက်မှုကို တွေ့ရတယ်။ ဒီအချိန်မှာ အမေရိကန် အစိုးရအနေနဲ့ ပြဌာန်းထားတဲ့ ဥပဒေကို သေသေချာချာ တိတိကျကျ အရေးယူ အကောင်အထည်ဖော်ဖို့၊ အဲလို အကောင်အထည် ဖော်တဲ့နေရာမှာ အခု ကျန်ရှိနေသေးတဲ့ စီးပွါးရေးသမားတချို့ကို targeted sanction နဲ့ အရေးယူဖို့ ဒီစာရင်းကို ကျနော်တင်တာပါ။”

အရင်ကတည်းက အမေရိကန်အစိုးရက ပိတ်ဆို့ အရေးယူမှု စာရင်းမှာ ပါသူတွေကတော့ စုစုပေါင်း ၃၀ ကျော် ဖြစ်ပါတယ်။

အဲဒီအထဲမှာ ဦးတေဇ၊ ဇေကမ္ဘာ ဦးခင်ရွှေ၊ ယုဇန ဦးဌေးမြင့် စတဲ့ နာမည်ကြီး စီးပွားရေး လုပ်ငန်းရှင်တွေ ပါခဲ့ပါတယ်။

အခုစာရင်းထဲမှာ ပါတဲ့ အများသိတဲ့ ပုဂ္ဂိုလ်တွေ တချို့  အမည်တွေကတော့ ကမ္ဘောဇဘဏ် နဲ့  ဘောလုံးအသင်း ပိုင်ရှင် ဆရာကျောင်း ခေါ် ဦးအောင်ကိုဝင်း၊ အိုလံပစ် ဆောက်လုပ်ရေး လုပ်ငန်းပိုင်ရှင် ဦးအိုက်ထွန်း၊ Alpine သောက်ရေသန့် လုပ်ငန်းပိုင်ရှင် ဒေါက်တာ စိုင်းဆမ်ထွန်း၊ ၀န်ကြီးဟောင်း ဦးအောင်သောင်းရဲ့ သားဖြစ်သူ United Amaya ဘဏ်ပိုင်ရှင် ဦးနေအောင်၊ လက်ရှိ လွှတ်တော်ပြောရေးဆိုခွင့်ရှိသူ ဦးရွှေမန်းသား ဦးတိုးနိုင်မန်း၊ ဗိုလ်ချုပ်မှူးကြီး သန်းရွှေ မြေးဖြစ်သူ ဖိုးလပြည့် ခေါ် နေရွှေသွေး တို့ ဖြစ် ပါတယ်။

ဒါ့အပြင် ရုပ်ရှင်လုပ်ငန်းတွေဖက်ကဆိုရင် မိုင်းတွင်းလုပ်ငန်းတွေ လုပ်ကိုင်နေတဲ့ နာမည်ကျော် ရုပ်ရှင် မင်းသား ဦးလွင်မိုး နဲ့ ရုပ်ရှင် ဒါရိုက်တာ ဦးဇင်ယော် မောင်မောင်တို့ ကိုလည်း ပိတ်ဆို့  အရေးယူမှု စာရင်းမှာ ထည့်သွင်းပေးဖို့  တင်ပြထားပါတယ်။

မီဒီယာ လုပ်ငန်းပိုင်ရှင်တွေထဲမှာတော့ The Voice Journal က ဒေါက်တာ နေ၀င်းမောင်၊ မြန်မာတိုင်းမ်စ် ဂျာနယ် ထုတ်ဝေသူ ဒေါက်တာ တင်ထွန်းဦး၊ Snapshot Journal က ဦးမြတ်ခိုင်၊ ပေါ်ပြူလာဂျာနယ်က ဒေါ်နန်းကလျာဝင်း အပါအ၀င် Yangon Media Group က ဦးကိုကို (စက်မှုတက္ကသိုလ်) တို့ကိုလည်း ဘဏ္ဍာရေး ပိတ်ဆို့ မှု စာရင်းမှာ ထည့်ပြီး အရေးယူဖို့ တင်ပြထားပါတယ်။

မြန်မာ့အရေး လှုပ်ရှားမှုအဖွဲ့ က ဒါရိုက်တာ ဦးအောင်ဒင် နဲ့ ဆက်သွယ်မေးမြန်းချက်ကို နားဆင်နိုင်ပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

ပြင်သစ်နိုင်ငံက ဓါတ်ပုံပညာရှင်တွေ ဦးစီးပြီး နှစ်စဉ် ကျင်းပတဲ့ PX3 နိုင်ငံတကာ ဓါတ်ပုံပြိုင်ပွဲမှာ ဒီနှစ်အတွက် ဒေါ်အောင်ဆန်းစုကြည်ရဲ့ ဓါတ်ပုံကို ဂုဏ်ထူးဆောင် ချီးမြှင့်ခဲ့ပါတယ်။

ဓါတ်ပုံပညာရှင် အင်္ဂလန်နိုင်ငံသား James Mackay က ဒီနှစ်ဆန်းပိုင်းလောက်မှာ ဒေါ်အောင်ဆန်းစုကြည်ရဲ့နေအိမ်ကို သွားရောက် တွေ့ဆုံ ရိုက်ယူခဲ့တဲ့ ဓါတ်ပုံ ဖြစ်ပါတယ်။ ဒီဓါတ်ပုံမှာ အများရဲ့ ယုံကြည် လေးစားမှုကို စေ့ဆော်ပေးတဲ့ ဒေါ်အောင်ဆန်းစုကြည်ရဲ့အရှိန်အ၀ါ သဘောသဘာဝ ပေါ်လွင်အောင် အမိအရ ရိုက်ယူလိုက်နိုင်တဲ့အတွက် သူ့အနေနဲ့ အလွန် ကံကောင်းတယ် လို့ James Mackay က အာအက်ဖ်အေကို ပြောပါတယ်။

ပြိုင်ပွဲဝင် ဓါတ်ပုံဆရာ အများစုရဲ့ ပုံတွေဟာ လစ်ဗျားနိုင်ငံလို စစ်ဖြစ်နေတဲ့ ဒေသက ဓါတ်ပုံတွေပါ။ ဒါတွေဟာ အလွန် အရေးကြီးပါတယ်။ အခု ကျနော်ရိုက်ထားတဲ့ ဒေါ်အောင်ဆန်းစုကြည်ပုံမျိုးဟာ အရင် ၁၉၉၆ ခုနှစ် က ဓါတ်ပုံဆရာ Nic Dunlop ရိုက်ခဲ့တဲ့ပုံမျိူးနဲ့တူပါတယ်။ ဒါပေမဲ့ ကျနော် အလွန် ကံကောင်းတယ်လို့ ပြောရမှာပါ။ ဒေါ်စုရဲ့အိမ်မှာ တွေ့ဆုံခွင့်ရပြီး အများ လေးစားမှုကို ရယူနိုင်တဲ့ သူရဲ့ အရှိန်အ၀ါ သဘော ကို ပေါ်လွင်အောင် ရိုက်ယူနိုင်ခဲ့လို့ပါ။ ဓါတ်ပုံမှာ ပေါ်လွင်နေတဲ့ အဲဒီ သဘော သဘာဝ ကိုပဲ အကဲဖြတ် ဒိုင်လူကြီးတွေ စိတ်ကြိုက်တွေ့သွားတာ ဖြစ်နိုင်ပါတယ် လို့ ပြောသွားတာပါ။

နေအိမ်မှာ ၁၅နှစ်နီးပါး အကျယ်ချုပ် ထိန်းသိမ်းခံထားရတဲ့ ဒေါ်အောင်ဆန်းစုကြည်ကို ဓါတ်ပုံရိုက်ခွင့် ရဖို့ သူ့အနေနဲ့ နှစ်နဲ့ချီပြီး စောင့်ဆိုင်းခဲ့ရတယ်လို့ James Mackay က ဆိုပါတယ်။

PX3 နိုင်ငံတကာ ဓါတ်ပုံပြိုင်ပွဲရဲ့ ထူးခြားချက်က နိုင်ငံတကာမှာ ဖြစ်ပျက်နေတဲ့ ပဋိပက္ခ စစ်ပွဲတွေ၊ လူ့အခွင့်အရေး ချိူးဖောက်ခံရတာတွေ၊ လူသားတွေ ရင်ဆိုင်နေရတဲ့ ဆင်းရဲဒုက္ခတွေကို ရိုက်ကူး ထားတဲ့ ဓါတ်ပုံတွေ ယှဉ်ပြိုင်တာ ဖြစ်ပါတယ်။

ဒီနှစ်အတွက် အိန္ဒိယနိုင်ငံသား ဓါတ်ပုံပညာရှင် ရိုက်ကူးထားတဲ့ မျက်မမြင်ကျောင်းက ကလေးတွေရဲ့ အုပ်စုလိုက်ဓါတ်ပုံကို အကောင်းဆုံး ဓါတ်ပုံဆု အဖြစ် ရွေးချယ်ခဲ့ပါတယ်။ ဆုပေးပွဲ အခမ်းအနားကို ဇွန်လ (၂၉)ရက်နေ့ ပြင်သစ်နိုင်ငံ ပဲရစ်မြို့မှာ ကျင်းပမှာဖြစ်ပါတယ်။

ဓါတ်ပုံပညာရှင် James Mackay ကို မအင်ကြင်းနိုင်က ဆက်သွယ်မေးမြန်းထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

အမျိုးသား ဒီမိုကရေစီ အဖွဲ့ချုပ်က ရန်ကုန်တိုင်း အတွင်း ပျံကျဈေးသည်တွေကို အတိုးမဲ့ အသေးစား ငွေချေးပေးနေတဲ့ အစီအစဉ်ဟာ အောင်မြင်မှုရပြီး နောက်ထပ်လည်း ဒီအစီအစဉ်ကို တိုးချဲ့လုပ်ဆောင်သွားမယ်လို့ NLD အမျိုးသမီးအဖွဲ့က ပြောပါတယ်။

လူထုခေါင်းဆောင် ဒေါ်အောင်ဆန်းစုကြည်ရဲ့ အကြံပေးချက်အရ ပြီးခဲ့တဲ့ ဖေဖော်ဝါရီလက ရန်ကုန်တိုင်း တာမွေမြို့နယ် ရာပြည့်ဈေးက ခေါင်းရွက်ဗျတ်ထိုး ဈေးသည် အယောက် ၅၀ ကို တယောက်အတွက် တလကို ကျပ် ၂ သောင်း နှုန်း စတင် ထုတ်ချေးပေးခဲ့ပါတယ်။ 

အခု ဇွန်လကုန်မှာ ၆ လ အစမ်းကာလ ပြည့်သွားပြီဖြစ်တဲ့အတွက် နောက်ထပ် မြို့နယ်တွေလည်း တိုးချဲ့ဖို့ စီစဉ်နေတယ်လို့ ဆိုပါတယ်။ ဒီအကြောင်း NLD အမျိုးသမီးအဖွဲ့က ဒေါက်တာမေ၀င်းမြင့်ကို ဒေါ်ခင်ခင်အိက ဆက်သွယ် မေးမြန်းတင်ပြထားတာ နားဆင်နိုင်ပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

ကချင်ပြည်နယ်မှာ ဖြစ်ပွားနေတဲ့ ကေအိုင်အို ကချင်တိုင်းရင်းသား လက်နက်ကိုင်အဖွဲ့နဲ့ မြန်မာ အစိုးရတပ်တွေ အကြား တင်းမာမှုဟာ ပိုမို ဆိုးရွားလာနိုင်စရာ ရှိတယ်လို့ ကေအိုင်အိုက ပြောပါတယ်။

လောလောဆယ် အထိ ကေအိုင်အိုရဲ့တောင်းဆိုချက်တွေကို မြန်မာ အစိုးရဘက်က ဖြည့်ဆည်း ဆောင်ရွက်ပေးဖို့ ပျက်ကွက်နေဆဲ ဖြစ်တဲ့ အပြင် ကေအိုင်အို အနေနဲ့ တရုတ် အစိုးရရဲ့ ကြားဝင် ဆောင်ရွက်ပေးမှုကို မျှော်လင့်နေဆဲ ဖြစ်ကြောင်း၊ တရုတ် အစိုးရ အနေနဲ့ မြန်မာအစိုးရနဲ့ တိုင်းရင်းသားတွေ အကြား ဖြစ်ပွားတဲ့ ပဋိပက္ခဟာ သူတပါး ပြည်တွင်းရေး ဖြစ်ပေမယ့် သံတမန် နည်းလမ်းတွေနဲ့ မဖြစ်မနေ ၀င်ရောက်ဖြေရမယ့် အခြေအနေမျိုးတွေ ပေါ်ပေါက်လာနိုင်ကြောင်း ကေအိုင်အို ကချင် လွတ်မြောက်ရေး အဖွဲ့ရဲ့ တွဲဖက်အတွင်းရေးမှူး-၂ ဖြစ်သူ ဦးလနန်းက ပြောပါတယ်။ ဦးလနန်းကို RFA အဖွဲ့သား ကိုကျော်ကျော်အောင်က ဆက်သွယ် တင်ပြထား ပါတယ်။

	ဆက်သွယ်မေးမြန်းချက်။
	အသံဖိုင်ယူရန်။

ဒီကနေ့ မနက်က ၁၀ နာရီလောက် မန္တလေး ကျောက်မျက်ရောင်းဝယ်တဲ့ ဈေးအတွင်း တရုတ် ကုန်သည်တွေနဲ့  မြန်မာ ကုန်သည်တွေ ခိုက်ရန် ဖြစ်ပွားရာကနေ နောက်ဆုံး ရဲနဲ့ အရပ်သားတွေ အကြားမှာပါ ပဌိပက္ခတွေ ဆက်လက် ဖြစ်ပွားခဲ့ကြောင်း သတင်း ရရှိပါတယ်။

မန္တလေး မဟာအောင်မြေ မြို့ နယ် ၈၇ နဲ့ ၃၈ လမ်း အနီး ကျောက်ဝိုင်းမှာ မြန်မာ ကျောက်ကုန်သည် တစ်ဦး ဖြစ်တဲ့ ကိုမော် ဆိုသူကို တရုတ် ကျောက်ကုန်သည် ၅ ဦးက ၀ိုင်းဝန်းထိုးကြိတ်ခဲ့ရာကနေ အခင်း စတင် ဖြစ်ပွားခဲ့တာ ဖြစ်ကြောင်း မျက်မြင် သက်သေတွေက အာအက်အေကို ပြောဆိုခဲ့ပါတယ်။

သိန်း ၄၀ နဲ့ ဈေးဆိုင်ထားတဲ့ကျောက်ကို ၅ သိန်း ပိုပေးတဲ့ အခြား တရုတ်ကုန်သည် တစ်ဦးကို ရောင်းချခဲ့တဲ့ အတွက်၊ တရုတ် ကျောက်ပွဲရုံ အတွင်း ကိုမော်ကို ခေါ်ပီး ၀ိုင်းထိုးကြိတ် ခဲ့တာလို့ သိရပါတယ်။ အဲဒိနောက် အခြား မြန်မာ ကျောက်ကုန်သည်တွေကပါ သိရှိသွားပီး တရုတ် ကုန်သည်တွေကို တန်ပြန် ထိုးကြိတ်ခဲ့တဲ့ အတွက် ရုန်းရင်း ဆန်ခတ် ဖြစ်ပွားခဲ့ပါတယ်။

အဲဒိနောက် ရဲတွေ ရောက်ရှိလာပီး တရုတ် ကုန်သည်နဲ့ မြန်မာ ကုန်သည်တွေကို ကျောက်ဝိုင်း အနီး ရဲကင်းမှာ ခေါ်ယူ စစ်ဆေးခဲ့ကြောင်း၊ ဒါပေမဲ့ ရဲတွေက တရုတ်ကုန်သည်ဖက်ကို ဖက်လိုက်တယ်ဆိုပြီး အဲဒိ အချိန်မှာ အနီးအနားမှာ ရှိတဲ့ မြန်မာ ကုန်သည်တွေ၊ ဒေသခံ အရပ်သားတွေ ရာနဲ့ချီ စုရုံး ရောက်ရှိလာပီး၊ ကိုယ့်အမျိုးသားကို စောင့်ရှောက်ဖို့ ရဲတွေကို အော်ဟစ် ပြောဆိုခဲ့ သလို၊ ကမ္ဘာမကြေ နိုင်ငံတော် သီချင်း နဲ့ အမျိုးသား သီချင်းတွေကို သီဆိုပြီး ရဲတွေကို ကန့် ကွက်ခဲ့ပါတယ်။ အဲဒိမှာ ရဲတွေက လူစုခွဲဖို့ ကြိုးပမ်းရာ ကနေ အရပ်သားတွေနဲ့ ထပ်မံ ရုန်းရင်းဆန်ခတ် ဖြစ်ခဲ့ပါတယ်။

နောက်ထပ်မျက်မြင်သက်သေတစ်ဥိးက အခုလို ပြောပြပါတယ်။

“ရဲက ဗမာကို ဖမ်းလိုက်တော့ အတော်လေး ရှုပ်သွားတယ်လေ။ အဲဒီနားမှ ရဲကင်းနဲ့ မြို့နယ်မှူးရုံးလည်း ရှိတယ်လေ။ “

တရုတ်ကုန်သည်တွေ ဖွင့်လှစ်ထားတဲ့ ကျောက်ပွဲရုံ အမှတ် ၈ နဲ့  ၉ ကတော့ အတော်လေး ပျက်စီးသွားတယ်လို့ သိရပါတယ်။ အဲဒိနောက် ရဲတွေက တရုတ် ကုန်သည်တွေကို ခေါ်ထုတ် သွားခဲ့ပြီး နေ့ လည် ၁၂ နာရီလောက်မှာ လူစုကွဲ သွားခဲ့ပါတယ်။ လောလောဆယ် ကျောက်ဝိုင်းကို ရဲတွေက ပိတ်ပစ်ခဲ့ပြီး၊ ရဲ နဲ့ လုံထိန်းတွေ အဲဒိနေရာမှာ အစောင့်ချထားတယ်လို့ သိရပါတယ်။

အခင်းဖြစ်ပွားတဲ့ တရုတ် ကုန်သည်တွေနဲ့ ထိုးကြိတ်ခံခဲ့ရတဲ့ ကိုမော် တို့  အနည်းငယ် ဒဏ်ရာရှိခဲ့တာက လွဲပီး အခြား ဒဏ်ရာရရှိသူ မရှိဘူးလို့ သိရပါတယ်။ လောလောဆယ် အချိန် အထိတော့ တစ်စုံတစ်ယောက်ကို ဖမ်းဆိး ထားတယ် ဆိုတာမျိုး သတင်း ထွက်ပေါ်လာခြင်း မရှိသေးပါဘူး။

ဒီကျောက်ဝိုင်းကို မှီခို လုပ်ကိုင်နေရတဲ့ မန္တလေး ဒေသခံ အတော်များများ ရှိနေပြီး ကျောက်ရောင်းဝယ်ရာမှလည်း တရုတ်ကုန်သည်တွေနဲ့ မကြာခဏ ဆိုသလို မသင့်မတင့် ဖြစ်ပွားတာတွေ အရင်ကလည်း ရှိခဲ့ကြောင်း၊ ဒီကနေ့  အခင်း ဖြစ်ပွားပြီးနောက် တရုတ် မြန်မာ အထိကရုန်း ဖြစ်မှာကိုတော့ မန္တလေး ဒေသခံတွေက စိုးရိမ်ကြောင်း အခုန မျက်မြင် သက်သေတွေက ပြောဆိုခဲ့ပါတယ်။