သမ္မတ ဦးသိန်းစိန်ရဲ့ အကြံပေးအဖွဲ့ဝင် နိုင်ငံရေး အကြံပေး ဒေါက်တာနေဇင်လတ်။

ဒေါ်အောင်ဆန်းစုကြည်က မနေ့က နေ့စွဲနဲ့ သမ္မတ ဦးသိန်းစိန် အပြင် KIO ကချင်လွတ်မြောက် ရေးအဖွဲ့၊ ကရင်အမျိုးသား အစည်းအရုံး KNU၊ မွန်ပြည်သစ်ပါတီ NMSP နဲ့ ရှမ်းပြည်လွတ် မြောက်ရေးအဖွဲ့ SSA အဖွဲတွေထံကို လိပ်မူပြီး ငြိမ်းချမ်းရေးနဲ့ အမျိုးသား ရင်ကြားစေ့ရေး အတွက် တွေ့ဆုံဆွေးနွေးဖို့ တိုက်တွန်း ရေးသားထားတဲ့ အိတ်ဖွင့်ပေးစာကို ပေးပို့ခဲ့တာပါ။

ဒီစာနဲ့ပတ်သက်ပြီး သမ္မတ ဦးသိန်းစိန်ရဲ့ အကြံပေးအဖွဲ့ဝင် ဒေါက်တာနေဇင်လတ်က သူ့အမြင်ကို ခုလို ပြောပါတယ်။

“အပြုသဘော ဆောင်တယ်လို့လည်း မြင်တယ်။ ပူးပေါင်းဆောင်ရွက်မှု တစ်ရပ်လို့လည်း မြင်ပါတယ်။ နောက်တခါ ကျနော်တို့ ၀န်ကြီး ဦးအောင်ကြည်နဲ့ ဒေါ်အောင်ဆန်းစုကြည် တို့ရဲ့ ပူးတွဲ ကြေညာချက် ပေါ့ဗျာ အဲဒီရဲ့ နောက်ဆက်တွဲ ကိစ္စရပ်လေးတွေ လို့လဲ ယူဆပါတယ်”

ဒေါ်အောင်ဆန်းစုကြည်ရဲ့ စာမှာ လတ်တလော ဖြစ်ပျက်နေတဲ့ ပဋိပက္ခ တွေရဲ့ ဆိုးကျိုးတွေကို ပြောဆိုထားသလို အပစ်အခတ် ရပ်စဲရေးနဲ့ ငြိမ်းချမ်းရေး လုပ်ငန်းစဉ်တွေကို ပံ့ပိုး ရန်အတွက် သူ့အနေနဲ့ ကိုယ်စွမ်းရှိသမျှ ပါဝင်ကြိုးပမ်းပေးဖို့ အသင့်ရှိပါတယ်လို့လည်း ရေးသားထားပါတယ်။

ဒေါက်တာနေဇင်လတ်ကို ဦးတင်အောင်ခိုင်က ဆက်သွယ်မေးမြန်း ထားပါတယ်။ 

	ဆက်သွယ်မေးမြန်းချက်။
	အသံဖိုင်ယူရန်။

လူ့အခွင့်အရေး ကာကွယ် မြှင့်တင်သူများ ကွန်ယက် HRDP ရဲ့ လက်ကမ်းကြေညာစာတမ်း။

မနက် ၁၀ နာရီကနေ စတင်ခဲ့ပြီး နေ့လည် ၂ နာရီအထိ ပြုလုပ်ခဲ့ကြောင်း ဦးဆောင် ဆွေးနွေးရာမှာ ပါဝင်တဲ့ HRDP ဦးမောင်မောင်လေးက အခုလိုရှင်းပြပါတယ်။

“အဓိကထားပြီး ဆွေးနွေးတာကတော့ နိုင်ငံသားနဲ့ နိုင်ငံရေးဆိုင်ရာ အခွင့်အရေးတွေ ဖြစ်ပါတယ်။ လှိုင်မြို့နယ်မှာ ရှိတဲ့ လူငယ်တွေကလည်း နိုင်ငံရေးနယ်ပယ်ထဲက လူငယ်တွေ ဖြစ်တဲ့ အတွက်မို့ အဓိကအားဖြင့် နိုင်ငံသားနဲ့ နိုင်ငံရေးဆိုင်ရာ အခွင့်အရေးထဲက မိမိကြမ္မာ မိမိဖန်တီးနိုင်ခွင့် အခွင့်အရေး အပုဒ် ၁ ကို အဓိကထား ဆွေးနွေးပါတယ်”

ဒီဆွေးနွေးပွဲမှာ လူ့အခွင့်အရေး ကြေညာစာတမ်းပါ နိုင်ငံသားများ ဆိုင်ရာ အခွင့်အရေး အပြင်၊ ဖွဲ့စည်းပုံ စည်းမျဉ်းနဲ့ နိုင်ငံသားများ ဆိုင်ရာ အခွင့်အရေး၊ စတဲ့ ဥပဒေဆိုင်ရာ အကြောင်းအရာ တွေကိုတော့ အမျိုးသားဒီမိုကရေစီ အဖွဲ့ချုပ်က ရှေ့နေတစ်ဦးဖြစ်တဲ့ ဦးအောင်ကြည်ညွန့်က လာရောက် ရှင်းလင်း ဟောပြော ခဲ့ပါတယ်။

အခုလို လူ့အခွင့်အရေးဆိုင်ရာ ဆွေးနွေးပွဲတွေကို နေရာအနှံ့ ပြုလုပ်ပေးနိုင်ပါက ဗဟုသုတရရှိပြီး အကျိုးရှိနိုင် ပါတယ်လို့ ဒီဆွေးနွေးပွဲမှာ တက်ရောက်ခဲ့သူ တစ်ဦးက အခုလိုရှင်းပြပါတယ်။

“အားလုံးက တက်တက်ကြွကြွပါပဲ။ သိချင်တာတွေကို မေးတယ်။ ဥပဒေပညာရှင် တယောက်လည်း ပါတယ်။ ကိုမောင်လေးက လူ့အခွင့်အရေးကိစ္စနဲ့ ပတ်သက်လို့ ပြောတယ်ပေါ့။ ခုံခံကာကွယ်ရမယ့် အပိုင်လေးတွေ၊ ပြည်သူလူထုအပေါ်မှာ ဘယ်လိုမျိုး ဒီအသိပညာ ပေးရမယ်ဆိုတဲ့ အပိုင်းလေးတွေ။ အတိုင်းအတာ တစ်ခုထိ ထိရောက်မှုရှိပါတယ်၊ ဒါတွေကို များများစားစား လုပ်နိုင်ရင် ကောင်းတာပေါ့”

ဒီဆွေးနွေးပွဲကို တက်ရောက်ဆွေးနွေးသူ လူငယ် ၂၀ ကျော်လောက် ရှိတယ်လို့ သိရပါတယ်။

အခုလိုဆွေးနွေးပွဲလေးတွေကို လက်ခံကျင်းပဖို ဖိတ်ခေါ်တဲ့အခြား မြို့နယ်တွေမှာလည်း ကျင်းပသွားဖို့  ရှိကြောင်း HRDP အဖွဲ့ခေါင်းဆောင် တစ်ဦးဖြစ်တဲ့ ဦးမောင်မောင်လေးက ပြောဆိုခဲ့ပါတယ်။

လန်ဒန်မှာ ကျင်းပခဲ့တဲ့ Forum of Burmese in Europe ဥရောပရောက် မြန်မာများရဲ့ ၂၀၀၉ ခုနှစ် ညီလာခံ။

“ဆွေးနွေးတဲ့ အကြောင်းအရာတွေကတော့ မြန်မာပြည်တွင်းထဲမှာ လူသားဖြစ်တည်မှုကို ဆန့်ကျင်တဲ့ လူ့အခွင့်အရေး ချိုးဖောက်မှုတွေကို ကုလသမဂ္ဂကနေ စုံစမ်းစစ်ဆေးရေး ကော်မရှင်ဖွဲ့ဖို့။ တခြားနိုင်ငံတွေ ဘယ်လို ထောက်ခံမှုအား ပိုရလာမလဲ ဆိုတာကို ဆွေးနွေးတယ်။ နောက်တခုကတော့ မြန်မာပြည်တွင်းထဲမှာ လက်ရှိ ဖြစ်နေတဲ့ စစ်နဲ့ ပတ်သက်ပြီးတော့ ငြိမ်းချမ်းရေးနဲ့ စစ်ရပ်စဲရေးအတွက် ဘယ်လိုပံ့ပိုးနိုင်မလဲ။ နောက်တခု ကတော့ မြန်မာနိုင်ငံ အပေါ်မှာ ဥရောပကနေ စီးပွားရေး ပိတ်ဆို့မှုနဲ့ ပတ်သက်ပြီး ခိုင်ခိုင်မာမာ ထားရှိနိုင်အောင် ဥရောပက နိုင်ငံတွေကို ဘယ်လို လှုပ်ရှား တောင်ဆိုမလဲ ဆိုတာပေါ့”

ပဲရစ်မြို့က FBE ညီလာခံကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ ဦးတင်ဦးတို့က ဗွီဒီယိုနဲ့ သတင်းစကား ပေးပို့ခဲ့ပါတယ် ။ ဒေါ်အောင်ဆန်းစုကြည်ရဲ့ ပြောဆိုချက်နဲ့ ပတ်သက်ပြီး ကိုထင်ကျော် ပြောတာကတော့-

“ဒေါ်အောင်ဆန်းစုကြည် ကတော့ နိုင်ငံတကာမှာ ရောက်နေတဲ့ မြန်မာတွေ အဖွဲ့အစည်းတွေ အနေနဲ့ ညီညီညွတ်ညွတ်နဲ့ လုပ်ပေးတာတွေကို သူ့အနေနဲ့ ကျေးဇူးတင်တယ်။ ညီညီညွတ်ညွတ်နဲ့ မြန်မာနိုင်ငံ ဒီမိုကရေစီ ရရှိနေရေးအတွက် နည်းလမ်းပေါင်းစုံနဲ့ လုပ်ကြဖို့ အဓိကထား ပြောသွားပါတယ်”

ဒီ FBE ညီလာခံကနေ ဥရောပအစိုးရတွေကို ဆက်လက် တိုက်တွန်းသွားမယ်လို့ သိရပါတယ်။

ချင်းပြည်နယ် ဟားခါးလမ်းပေါ်က ခရီးသည်တင် ဘတ်စ်ကား လမ်းချော်နေစဉ် မြင်ကွင်း။

အိန္ဒိယကောင်စစ်ဝန် Dr. Mohan Sethi နဲ့ အဖွဲ့ဟာ ဟားခါးမြို့ ကို ရောက်ရှိပြီး ချင်းပြည်နယ် အစိုးရအဖွဲ့ ဝင်တွေနဲ့ တိုက်ရိုက် ဆွေးနွေးခဲ့တယ်လို့ ဟားခါးမြို့ ခံတဦး က RFA ကို ပြောပါတယ်။

“၂၇ ရက်နေ့မှာ အိန္ဒိယသံရုံးက တာဝန်ရှိသူတွေ ဟားခါးကို ရောက်တယ်။ ချင်းပြည်နယ် ဖွံ့ဖြိုးရေး အတွက် ဒေါ်လာ ၂ သန်း လှူဒါန်းမယ်လို့ ပြောတယ်။ ပြည်နယ်အစိုးရ အဖွဲ့ဝင်တွေရယ်၊ ရပ်မိရပ်ဘ တွေရယ်ကိုခေါ်တယ်။ ရပ်မိရပ်ဘ ဆိုတာကလည်း ကော်မရှင်အဖွဲ့ဝင်တို့ ကြံ့ခိုင်ဖွံ့ဖြိုးရေး အဖွဲ့ဝင်တို့ပါ။ ကျေးဇူးတင်ကြောင်း ပြောခိုင်းတယ်။ ငွေကို လိုတယ်နေရာမှာ သုံးမယ်လို့ ပြည်နယ်အစိုးရက ပြောတယ်။ ဘယ်နေရာမှာ သုံးမယ်ဆိုတာ အစည်းအဝေးတက်သူတွေက မသိဘူး”

အဲဒီ ငွေအကူအညီတွေကို ဘယ်အချိန်မှာ စတင်ပေးမယ်။ ဖွံ့ဖြိုးတိုးတက်မှုအတွက် ဘယ်ကဏ္ဍ တွေကို ပေးမယ်ဆိုတာကို အသေးစိတ်ပြောဆိုတာ မရှိဘူးလိုဆိုပါတယ်။

အိန္ဒိယနိုင်ငံဟာ မြန်မာနိုင်ငံနဲ့ နယ်စပ် ကုန်သွယ်ရေး အမှတ်(၂)ဖြစ်တဲ့ ချင်းပြည်နယ် အတွင်းပိုင်းက တီးတိန်မြို့ နဲ့ နယ်စပ်ဂိတ်စခန်း တည်ရှိရာ ရိခွပ်သာရွာ ကို ရာသီမရွေးသွားနိုင်တဲ့ ကားလမ်း ဖောက်လုပ် ပေးဖို့ လည်း လေ့လာမူတွေလုပ်ဆောင်နေပါတယ်။

အခုပေးမယ့် ငွေကြေးအကူအညီထဲမှာ အဲဒီကားလမ်းဖောက်လုပ်ရေး စီမံကိန်းအတွက် ပါမပါဆိုတာ မသိရှိရသေးပါဘူး။

ကမ္ဘာပေါ်မှာ အဆင်းရဲဆုံး နိုင်ငံတွေထဲမှာပါဝင်တဲ့ မြန်မာနိုင်ငံက တိုင်းနဲ့ပြည်နယ်တွေ အထဲမှာ ချင်းပြည်နယ်ဟာ အဆင်းရဲဆုံး ဖြစ်တယ်လို့ ကုလသမဂ္ဂ ဖွံ့ဖြိုးရေး အစီအစဉ် UNDP က ပြီးခဲ့တဲ့လက ထုတ်ပြန် ခဲ့ပါတယ်။

ဟာသ သရုပ်ဆောင်နှင့် ဒါရိုက်တာ ဇာဂနာ့ အကြောင်း မှတ်တမ်းရုပ်ရှင် ပိုစတာ ဖြစ်ပါသည်။ (U.S. Premiere organizers)

အနုပညာရှင် ဟာသ သရုပ်ဆောင် ကိုဇာဂနာရဲ့ အကြောင်း ရိုက်ကူးထားတဲ့ “This Prison Where I live” “ကျနော်နေတဲ့ ဒီအကျဉ်းထောင်” ရုပ်ရှင်ကို နယူးဇီလန်က မြို့ကြီးတွေမှာ တစ်လကို တစ်မြို့ လိုက်လံ ပြသနေတာပါ။ ပြီးခဲ့တဲ့ တနင်္ဂနွေနေ့ က Wellington မြို့ က Wellington တက္ကသိုလ်မှာ ပြသခဲ့ပါတယ်။ ရုပ်ရှင်ပြပွဲနဲ့အတူ နိုင်ငံရေးအကျဉ်းသားလွတ်မြောက်ရေး လက်မှတ် တွေလည်း စုဆောင်းခဲ့ပါတယ်။

အဲဒီ မှတ်တမ်း ရုပ်ရှင်ပွဲကို နယူးဇီလန်နိုင်ငံသား ၄၅၀ ကျော် တက်ရောက် ခဲ့ပြီး ၊ နိုင်ငံရေး အကျဉ်းသား လွတ်မြောက်ရေးအတွက် တောင်းဆိုတဲ့ လက်မှတ်တွေ စုဆောင်း ကောက်ယူ ခဲ့ရာမှာ လက်မှတ် စုစုပေါင်း ၂၀၀ ကျော်ရရှိခဲ့တယ်လို မြန်မာ့အရေး လှုပ်ရှားမှုအဖွဲ့  နယူးဇီလန် ရဲ့ ပြောခွင့်ရသူ ဦးနိုင်ကိုကို က ပြောပါတယ်။

နယူးဇီလန် အစိုးရ ရုပ်မြင်သံကြား သတင်းဌာနကလည်း အဲဒီပွဲအကြောင်း ပြီးခဲ့တဲ့ တနင်္လာနေ့က ထုတ်လွှင့် ပြသခဲ့ပါတယ်။ နောက်လမှာတော့ နယူးဇီလန်က နောက်ထပ် မြို့ကြီးတစ်မြို့ ဖြစ်တဲ့ အိုတားဂိုးမြို့ မှာ ပြသမယ်လို့ သိရပါတယ်။

မွေးနေ့ဆုတောင်းအဖြစ် ငြိမ်းချမ်းရေးကိုသာ လိုချင်ကြောင်း အမျိုးသား ဒီမိုကရေစီအဖွဲ့ချုပ် ဌာနချုပ်ရုံးတွင် ၂ဝ၁၁ ခုနှစ် ဇွန်လ ၁၉ ရက်နေ့က ပြုလုပ်သည့် ၆၆ နှစ်မြောက် မွေးနေ့ အခမ်းအနားတွင် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောကြားခဲ့ပါသည်။ (AFP PHOTO/Soe Than WIN)

ဒေါ်အောင်ဆန်းစုကြည်ရဲ့ စာဟာ လတ်တလော အစိုးရနဲ့ စစ်ပွဲတွေ ဆင်နွှဲနေတဲ့ ကချင်လွတ်မြောက်ရေးအဖွဲ့ KIO ၊ ကရင်အမျိုးသား အစည်းအရုံး KNU ၊ မွန်ပြည်သစ်ပါတီ MNSP နဲ့ ရှမ်းပြည်တပ်မတော် SSA တို့ကို အိတ်ဖွင့်ပေးစာမှာ တိုက်တွန်းထားတာပါ။

ဒီ စာမှာပါရှိတဲ့ အပိုဒ်တပိုဒ်ကို အမျိုးသား ဒီမိုကရေစီအဖွဲ့ချုပ် ပြန်ကြားရေးတာဝန်ခံ ဦးအုန်းကြိုင်က ဖတ်ပြပါတယ်။

“ပဋိပက္ခများနှင့် ပြဿနာများကို အင်အားသုံး ဖြေရှင်းကြမည် ဆိုလျှင် နှစ်ဦးနှစ်ဖက် အကျိုး ဆုတ်ယုတ်မှု များသာ ဖြစ်ပေါ်ပါမည်။ အမျိုးသား ရင်ကြားစေ့ရေးကို စစ်ရေးနည်းလမ်းများဖြစ် တည်ဆောက် မရနိုင်ပါ။ နိုင်ငံရေး နည်းလမ်းဖြစ်သော ဆွေးနွေးညှိနှိုင်း ဖြေရှင်းခြင်း ဖြစ်သာ တည်ဆောက် သွားကြရမည် ဖြစ်ပါသည်”

စာ နိဂုံးမှာတော့ အပစ်အခတ် ရပ်စဲရေးနဲ့ ငြိမ်းချမ်းရေး လုပ်ငန်းစဉ်တွေကို ပံ့ပိုးရေးအတွက် ဒေါ်အောင်ဆန်းစုကြည် အနေနဲ့ ကိုယ်စွမ်းရှိသမျှ ပါဝင်ကြိုးပမ်းဖို့ အသင့်ရှိတဲ့အကြောင်း ရေးသားထားပြီး လက်မှတ်ရေးထိုး ထားပါတယ်။

ဒေါ်အောင်ဆန်းစုကြည်ရဲ့ အိတ်ဖွင့်ပေးစာပါ အသေးစိတ် အကြောင်းအရာတွေကို ဒေါ်စမ်းစမ်းတင်က ဆက်ပြီး တင်ပြပါလိမ့်မယ်။

	ဆက်သွယ်မေးမြန်းချက်။
	အသံဖိုင်ယူရန်။

ကိုရီးယား ငွေလဲလှယ်ရေးဘဏ်တွင် အမေရိကန် ဒေါ်လာ ရာတန်အုပ်များကို ဘဏ်အမှုထမ်းတဦး ရေတွက်နေပုံ ဖြစ်ပါသည်။ (Photo: AFP)

ဇူလိုင်လ ၂၂ ရက်နေ့က နေပြည်တော်မှာ ကျင်းပတဲ့ ဘဏ်များကြီးကြပ်ရေး ကော်မတီနဲ့ မြန်မာနိုင်ငံ ဘဏ်များအသင်း အစည်းအဝေးမှာ ဘဏ္ဍာရေးနဲ့ အခွန်ဝန်ကြီး ဦးလှထွန်းက ပြောလိုက်တာလို့ ပြည်တွင်းထုတ် ဂျာနယ်တစောင်ကို ကိုးကားပြီး တရုတ် ဆင်ဟွာသတင်း တပုဒ်မှာ ရေးထားပါတယ်။

ပြည်တွင်းစီးပွားရေး ထိန်းညှိရေး၊ နိုင်ငံတကာနဲ့ စီးပွားရေး ဆက်ဆံမှုတွေမှာ အဆင်ပြေရေးနဲ့ ပြည်တွင်း နိုင်ငံခြား ငွေဈေးကွက် တည်ငြိမ်ရေးတွေကို ရည်ရွယ်တယ်လို့ဆိုပါတယ်။

နိုင်ငံခြားငွေ လဲလှယ် ရောင်းဝယ်တဲ့အခါ တည်ငြိမ်တဲ့ ငွေလဲနှုန်း သတ်မှတ်ဆောင်ရွက်နိုင်ဖို့ သက်ဆိုင်ရာနဲ့ ညှိနှိုင်းနေတယ်လို့ ဆိုပါတယ်။

ပြည်တွင်း ပြည်ပ ပေးချေနေရတဲ့ ငွေကြေးစနစ် ခေတ်မီ တိုးတက်ဖို့ကိုလည်း ပြည်တွင်း ပြည်ပ ကျွမ်းကျင်သူတွေပါတဲ့ အဖွဲ့က ဆောင်ရွက်နေတယ် လို့လဲ ဆိုပါတယ်။

နိုင်ငံခြားငွေ လဲလှယ်နှုန်းဟာ အမေရိကန် (၁) ဒေါ်လာကို မြန်မာကျပ်ငွေ (၆) ကျပ်နဲ့ ညီမျှတယ်ဆိုပြီး ၁၉၇၅ ခုနှစ်က စလို့ အသေ သတ်မှတ် ထားတာပါ။ ဒါပေမဲ့ ပြင်ပ ပေါက်ဈေးမှာ (၇၈၀) ကနေ (၁၀၀၀) ကျပ် ဝန်းကျင်ထိ ရှိခဲ့ပါတယ်။ အခုလပိုင်းတွေမှာ ဆိုရင် အမေရိကန် ဒေါ်လာဈေးကျပြီး မြန်မာငွေဈေး တက်နေတဲ့အတွက် ပို့ကုန် လုပ်ငန်းရှင်တွေ အထိနာနေတယ်လို့ သိရပါတယ်။

မွန်ပြည်သစ်ပါတီရဲ့  ခေါင်းဆောင်တစ်ဦးလည်းဖြစ် UNFC ရဲ့ အတွင်းရေးမှူးလည်း ဖြစ်တဲ့ နိုင်ဟံသာ။

ဒေါ်အောင်ဆန်းစုကြည်ရဲ့ ကမ်းလှမ်းချက်ဟာ သင့်မြတ်ကောင်းမွန်တဲ့ ကိစ္စဖြစ်ကြောင်း မွန်ပြည်သစ်ပါတီရဲ့  ခေါင်းဆောင်တစ်ဦးလည်းဖြစ် UNFC ရဲ့ အတွင်းရေးမှူးလည်း ဖြစ်တဲ့ နိုင်ဟံသာက အခုလိုပြောဆိုပါတယ်။ 

“ကျနော်တို့ ထောက်ခံတယ်။ ကြိုဆိုတယ်။ သူ့အနေနဲ့ အားလုံးကိုယ်စားလုပ်တာလဲ ဖြစ်တယ်။ သူ့အနေနဲ့ ကြားဝင်းလုပ်ပေးတာလဲ ဖြစ်တယ်။ ဒါကိုကျနော်တို့ ၀ိုင်းပြီး ထောက်ခံကြိုဆိုပါတယ်” 

UNFC မှာ မွန်၊ ကချင်၊ ကရင်၊ ရှမ်း စတဲ့တိုင်းရင်းသား လက်နက်ကိုင် အဖွဲ့တွေနဲ့အတူ စုစုပေါင်း တိုင်းရင်းသား ၁၁ ဖွဲ့ ပါဝင်ပါတယ်။ 

ဒေါ်အောင်ဆန်းစုကြည်ရဲ့ ကမ်းလှမ်းချက်ကို အစိုးရနဲ့ တိုက်ပွဲတွေ ဆက်တိုက်ဖြစ်နေတဲ့ KIO ကချင် လွတ်မြောက်ရေးအဖွဲ့က လက်ကမ်း ကြိုဆိုလိုက်သလို ရှမ်းပြည်မြောက်ပိုင်းတပ်မတော် SSA ကလည်းကြိုဆိုတယ်လို့ ပြောခွင့်ရပုဂ္ဂိုလ် ဗိုလ်မှူးစိုင်းလ ကအခုလိုပြောပါတယ်။ 

“ဒေါ်အောင်ဆန်းစုကြည်က သမ္မတဦးသိန်းစိန်ဆီ ပေးတဲ့ အိတ်ဖွင့်စာထဲမှာ ပြည်တွင်းငြိမ်းချမ်းရေး ရရှိဖို့အတွက် နိုင်ငံရေးကို နိုင်ငံရေးနည်းနဲ့ ရှင်းဖို့။ အခု ဖြစ်ပွားနေတဲ့ စစ်ပွဲတွေ ရပ်ဆိုင်းဖို့ တောင်းဆိုထားတဲ့ အချက်အလက်တွေကို ကျနော်တို့ ခြွင်းချက်မရှိ ထောက်ခံပါတယ်။ ဒါက ကျနော်တို့ SSA ရဲ့ သဘောထား ပေါ့နော်” 

ဒေါ်အောင်ဆန်းစုကြည်ရဲ့ အိတ်ဖွင့်ပေးစာမှာ ပြည်တွင်း ငြိမ်းချမ်းရေးကိုလက်နက်နဲ့ တည်ဆောက်လို့  မရနိုင်ကြောင်း၊ ငြိမ်းချမ်းရေးနဲ့ အမျိုးသား သွေးစည်းညီညွတ်ရေး မရှိရင် တိုင်းပြည် ဖွံ့ဖြိုး တိုးတက်အောင် မဆောင်ရွက်နိုင်ကြောင်း အဓိက ရေးသား ထားပါတယ်။ 

ဒေါ်အောင်ဆန်းစုကြည်ရဲ့ အိတ်ဖွင့်ပေးစာနဲ့ ပတ်သက်ပြီး တိုင်းရင်းသားအဖွဲ့တွေရဲ့ တုံ့ပြန်ချက်ကို ဦးဇော်မိုးကျော်က စုစည်းတင်ပြ ထားပါတယ်။ 

	ဆက်သွယ်မေးမြန်းချက်။
	အသံဖိုင်ယူရန်။

ထိုင်း-မြန်မာနယ်စပ်၊ ဒွိုင်တလန် စခန်းတွင် စစ်လေ့ကျင့်နေသော ရှမ်းပြည်တပ်မတော် (SSA) တပ်ဖွဲ့ဝင်များ ဖြစ်ပါသည်။ (Photo: AFP)

တိုက်ပွဲ အခြေအနေနဲ့ ပတ်သက်ပြီး SSA (မြောက်ပိုင်းတပ်) ရဲ့ ပြောခွင့်ရသူ ဗိုလ်မှူးစိုင်းလက RFA ကိုပြောပါတယ်။

“ရှမ်းပြည်မြောက်ပိုင်း သီပေါမြို့နယ် ထဲကပေါ့။ မိုင်းလားဆိုတာ သူတို့တပ်စခန်းရှိတယ်။ အဲဒီတပ် ခလရ (၃၂၅) ချီတက်နေတုန်း ကျနော်တို့က ချုံခို တိုက်တယ်။ အဲဒီ ခလရ (၃၂၅) နဲ့ ကျနော်တို့ SSA တပ်မဟာ ၃၆ လက်အောက်ခံ တပ်နဲ့ ဒီနေ့နေ့လည် ၁၂ နာရီခွဲကနေ ၁ နာရီထိ တိုက်ပွဲ ဖြစ်ပွားခဲ့တယ်ခင်ဗျ။ ခလရ (၃၂၅) က တယောက်ကျတယ်။ ၅ ယောက်လောက် ဒဏ်ရာရတယ်။ ကျနော်တို့ဖက်က ထိခိုက်မှု မရှိဘူး”

အဲဒီ တိုက်ပွဲဟာ ရှမ်းပြည် အခြေစိုက် အရှေ့ပိုင်းတိုင်း စစ်ဌာနချုပ်နဲ့ အရှေ့မြောက်ပိုင်းတိုင်း စစ်ဌာနချုပ် နယ်နမိတ် ဒေသမှာဖြစ်ပြီး အစိုးရတပ်သား အကျအဆုံးနဲ့ ပတ်သက်လို့ RFA က သီးခြား အတည်မပြု နိုင်သေးပါဘူး။

SSA မြောက်ပိုင်းတပ်ရဲ့ ၀မ်ဟိုင်း ဌာနချုပ်ကို မြန်မာအစိုးရ တပ်တွေ ၀ိုင်းထားချိန်မှာ SSA တပ်တွေနဲ့ အစိုးရတပ် နှစ်ဖက်ကြား ကြိုကြားကြိုကြား တိုက်ပွဲငယ်တွေ ဖြစ်ပွားနေကြောင်း သိရပါတယ်။

ကချင်လွတ်မြောက်ရေး တပ်မတော် (KIA) ၏ လက်ရှိ ဌာနချုပ်တည်ရာ လိုင်ဇာမြို့ စစ်ရေးပြ အခမ်းအနားတခုတွင် လက်နက်ကိုင် ကချင်စစ်သည်များကို တွေ့ရသည့် မှတ်တမ်းပုံ ဖြစ်ပါသည်။ (Photo: Kachin News Group)

ကျောက်စိမ်းတွင်း ဒေသမှာ အခြေစိုက်ထားတဲ့ ကေအိုင်အို တပ်ရင်း ၆ နဲ့ မြန်မာအစိုးရ ဆားမှော် အခြေစိုက် ခလရ ၁၀၅ တပ်ရင်းတို့ မနေ့ ညနေမှာ မြစ်ကြီးနားကနေ ဖားကန့် သွားလမ်းမှာရှိတဲ့ ကာမိုင်းမြို့အနီးမှာ တိုက်ပွဲဖြစ်ခဲ့တာလို့ ဖားကန့်ဒေသခံ တစ်ယောက်က ပြောပါတယ်။

“ ၆ နာရီ ၂၅ မှာ ဖြစ်တာကတော့ ကာမိုင်းအ၀င်မှာ သူတို့ စစ်ကြောင်း တက်လာတာကို ကြားဖြတ် ၀င်တိုက်တယ်။ အင်အားက ၄၀ ကျော်လောက်ပဲ ရှိတယ်လို့ပြောတယ်။ ၄ ယောက်သေတယ်။ ၁၅ ယောက် ဒဏ်ရာရသွားတယ်။ ကား ၂ စီးနဲ့ တက်လာတာ။ ကားပေါ်မှာ ပစ္စည်းတင်ပြီး လူက လမ်းလျှောက် လာတာ။ အဲဒီလိုမျိုး တက်လာတာကို ကြားဖြတ် ပြောက်ကျားလုပ်ကြတာပေါ့။ အဲဒီမှာ ၂ ယောက်သေတယ်။ ၁ ယောက်က ဒဏ်ရာပြင်းတယ်”

ဒီကိစ္စနဲ့ပတ်သက်လို့ ကေအိုင်အို တပ်ရင်း ၆ က အရာရှိတွေက အတည်ပြုပေမဲ့ အသေးစိတ် ပြောဆိုတာ မရှိပါဘူး။

နှစ်ဖက် စစ်ရေးအရ တိုက်ခိုက်တာတွေ ဖြစ်လာတာက တကြောင်း၊ မိုးရာသီ ရောက်နေတာက တကြောင်းကြောင့် ဖားကန့် ကျောက်စိမ်းဒေသမှာ အရောင်းအ၀ယ်တွေလည်း ရပ်တန့် သလောက်ဖြစ် သွားတယ်လို့လည်း ဖားကန့်ဒေသခံက ပြောပါတယ်။