အမျိုးသားဒီမိုကရေစီ အဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နှင့် ပြည်ထောင်စု ဝန်ကြီးဦးအောင်ကြည်တို့ ၂၀၁၁ ခုနှစ်၊ စက်တင်ဘာလ ၃၀ရက်နေ့က ရန်ကုန်မြို့၊ စိန်းလဲ့ကန်သာ အစိုးရ ဧည့်ဂေဟာတွင် တွေ့ဆုံဆွေးနွေးပွဲအပြီး ပူးတွဲ သတင်းစာရှင်းလင်ပွဲ ပြုလုပ်စဉ်။ AFP/ Soe Than Win

တွေ့ဆုံပွဲအပြီး ပြုလုပ်တဲ့ သတင်းစာရှင်းလင်းပွဲမှာ- မြစ်ဆုံရေကာတာ တည်ဆောက်ရေးကို ရပ်တန့်မယ့်အကြောင်း သမ္မတဦးသိန်းစိန်က လွှတ်တော်ကို သဝဏ်လွှာ ပေးပို့ခဲ့တာနဲ့ ပတ်သက်ပြီး ဒေါ်အောင်ဆန်းစုကြည်က ကြိုဆိုလိုက်ပါတယ်။

“ကျမတို့ နားလည်သလောက်က ဒီမနက်ကနေပြီးတော့ လွှတ်တော်ကို သမ္မတကြီးဆီက သဝဏ်လွှာ ပို့တယ်လို့ ပြောပါတယ်။ ဒီသဝဏ်လွှာမှာ သမ္မတကြီးက နေပြီးတော့ ‘ပြည်သူလူထုရဲ့ စိုးရိမ်ကြောင့်ကြမှုတွေကို ထောက်ထားပြီးတော့ မြစ်ဆုံရေကာတာ စီမံကိန်းကို ရပ်ဆိုင်းထားမယ်’ လို့ ဒီလို မှာကြားလိုက်တယ်လို့ နားလည်ပါတယ်။ ကျမ အမြင်မှာတော့ ပြည်သူရဲ့အသံကို နားထောင်တဲ့အတွက် အင်မတန်မှ ကောင်းပါတယ်။ ဒီဟာ အစိုးရတိုင်း လုပ်ရမယ့်ကိစ္စပါ။ ပြည်သူတွေရဲ့ အသံကို နားထောင်ရမယ်၊ ပြည်သူရဲ့ စိုးရိမ်ကြောင့်ကြမှုတွေကို တကယ်ပဲ လေးလေးနက်နက် ထားပြီးတော့ ဖြေရှင်းပေးရမယ်။ အဲဒါကြောင့် ကျမ ဒါကို ကြိုဆိုပါတယ်”

ဒေါ်အောင်ဆန်းစုကြည်နဲ့ ဒီကနေ့ ဆွေးနွေးပွဲအပြီးမှာ ပြည်ထောင်စုဝန်ကြီး ဦးအောင်ကြည်က ပူးတွဲကြေညာချက်တခုကို ဖတ်ပြခဲ့ပါတယ်။

“ယနေ့ တွေ့ဆုံဆွေးနွေးမှုတွင် နိုင်ငံတော်သမ္မတကြီးက လွတ်ငြိမ်းချမ်းသာခွင့် ပေးရန် စဉ်းစား ဆောင်ရွက်နေသည့်ကိစ္စ၊ ဧရာဝတီမြစ်ကြောင်း ထိန်းသိမ်းရေးအတွက် နှစ်ဘက် ပူးပေါင်း ဆောင်ရွက်နိုင်မည့် နည်းလမ်းများကိစ္စ တွေ့ဆုံဆွေးနွေးမှုများကို ဆက်လက်ပြုလုပ်သွားရန် သဘောတူညီကြပါသည်”

အဲဒီနောက် သတင်းထောက်တွေရဲ့ မေးမြန်းချက်တွေကို ဝန်ကြီးဦးအောင်ကြည်နဲ့ ဒေါ်အောင်ဆန်းစုကြည်က ဖြေကြားခဲ့ပါတယ်။

အပြည့်အစုံကို ကိုဥာဏ်ဝင်းအောင်က စုစည်း တင်ပြထားပါတယ်။

	စုစည်းတင်ပြချက်။
	အသံဖိုင်ယူရန်။

သမ္မတဦးသိန်းစိန်ရဲ့ သဝဏ်လွှာကို ပြည်ထောင်စုလွှတ်တော် နာယက ဦးခင်အောင်မြင့်က ဖတ်ပြခဲ့ပါတယ်။ မြစ်ဆုံဆည် တည်ဆောက်ရေးနဲ့ ပတ်သက်ပြီး သဝဏ်လွှာပါ ဆုံးဖြတ်ချက်ကတော့-

“… မိမိတို့ အစိုးရသည် ပြည်သူမှ ရွေးချယ်တင်မြှောက်ထားသည့်အစိုးရ ဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့ အစိုးရလက်လက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည် ဖြစ်ပါသည်။ နိုင်ငံတော်အတွက် လိုအပ်နေသည့် လျှပ်စစ်ဓာတ်အား ရရှိရေးအတွက် အန္တရာယ်မရှိနိုင်သော အခြားသော ရေအားလျှပ်စစ် စီမံကိန်းများကို သာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်”

ဒီသဝဏ်လွှာ ဖတ်ကြားပြီးသွားချိန်မှာ လွှတ်တော်တခုလုံး လက်ခုပ်သံ ညံသွားတယ်လို့ အမျိုးသားလွှတ်တော်အမတ် ဒေါက်တာအေးမောင်က ပြောပါတယ်။

“လွှတ်တော်အမတ်တွေ အကုန်လုံး တော်တော်လေး စိတ်ချမ်းသာ ပျော်ရွှင်ကြတာပေါ့။ ကချင်ပြည်နယ်က အမတ်တွေ၊ အထူးသဖြင့် ဒီကိစ္စနဲ့ ပတ်သက်လို့ မြစ်ဆုံနားမှာ နေခဲ့တဲ့ အမတ်တွေဆိုရင် တော်တော်လေးကို ဝမ်းသာအားရနဲ့ ‘ဒါ သေသွားတဲ့ အမေ ပြန်ရောက်သလိုပါပဲ’ ဆိုပြီး သူတို့ ရင်ထဲက ခံစားချက်ကို ပြောပြတယ်။ တခြား လွှတ်တော်အမတ်တွေကလည်း ရင်နဲ့အမျှ ခံစား ကြည်နူးကြပါတယ်”

သမ္မတ ဦးသိန်းစိန်ရဲ့ သဝဏ်လွှာမှာ ဝ, အဖွဲ့နဲ့ မုံးလားအဖွဲ့တို့နဲ့ ပြည်ထောင်စုအဆင့် ဆွေးနွေးပွဲတွေ စတင်နေပြီလို့ ဖော်ပြထားပါတယ်။ ဒါ့အပြင် ပြည်ပရောက် တိုင်းရင်းသားတွေ ကိုယ့်နိုင်ငံ ပြန်လာရေးကို စိစစ် လက်ခံနေကြောင်း ဖော်ပြထားသလို အကျဉ်းသားများ လွှတ်ပေးရေးကို ဖွဲ့စည်းပုံ အခြေခံဥပဒေပါ အပ်နှင်းထားတဲ့ အခွင့်အာဏာနဲ့အညီ ဆောင်ရွက်မယ်လို့ ဆိုပါတယ်။

သမ္မတရဲ့ သဝဏ်လွှာ လွှတ်တော်အတွင်း ဖတ်ကြားခဲ့ပြီးတဲ့နောက် လွှတ်တော်အမတ်တွေရဲ့ တုန့်ပြန်ချက်တွေနဲ့ ပတ်သက်ပြီး ဦးတင်အောင်ခိုင်က စုစည်းတင်ပြထားပါတယ်။

	စုစည်းတင်ပြချက်။
	အသံဖိုင်ယူရန်။

မြစ်ဆုံဆည်တည်ဆောက်မှု ရပ်တန့်ဖို့ သမ္မတရဲ့ ပြောကြားချက်နဲ့ ပတ်သက်ပြီး ရွှေဝါရောင် တော်လှန်ရေး ဦးဆောင်အဖွဲ့ဖြစ်တဲ့ သံဃာ့တပ်ပေါင်းစု ဦးဆောင်ဆရာတော် ဦးဓမ္မသီရိရဲ့ မိန့်ကြားချက်ကို ဦးဇော်မိုးကျော်က တင်ပြထားပါတယ်။
 

	ဦးဓမ္မသီရိရဲ့ မိန့်ကြားချက်။
	အသံဖိုင်ယူရန်။

ကချင်လူမှု ဖွံ့ဖြိုးတိုးတက်ရေးကွန်ရက်ရဲ့ အမြင်ကိုလည်း ဦးဇော်မိုးကျော်က တင်ပြထားပါတယ်။
 

	ကချင်လူမှု ဖွံ့ဖြိုးတိုးတက်ရေးကွန်ရက်ရဲ့ အမြင်။
	အသံဖိုင်ယူရန်။

သမ္မတရဲ့ ပြောကြားချက်နဲ့ ပတ်သက်ပြီး ဒီကနေ့ ကြေညာချက် ထုတ်ပြန်လိုက်တဲ့ မြန်မာနိုင်ငံ မြစ်ချောင်းများဆိုင်ရာ ကွန်ရက်အဖွဲ့ကို ကိုခင်မောင်စိုးမင်းက ဆက်သွယ်မေးမြန်းထားပါတယ်။
 

	ဆက်သွယ်မေးမြန်းချက်။
	အသံဖိုင်ယူရန်။

သမ္မတရဲ့ ပြောကြားချက်နဲ့ ပတ်သက်ပြီး ကဗျာဆရာကြီး ဒဂုန်တာရာနဲ့ ၈၈ မျိုးဆက်ကျောင်းသားများ အဖွဲ့ရဲ့ အမြင်တွေကို ကိုနေရိန်ကျော်က ဆက်သွယ်မေးမြန်းပြီး စုစည်းတင်ပြထားပါတယ်။
 

	စုစည်းတင်ပြချက်။
	အသံဖိုင်ယူရန်။

နိုင်ငံအတွက် ကိုယ်ကျိုးစွန့် ဆောင်ရွက်နေတဲ့ မြန်မာနိုင်ငံရဲ့ ကြီးမြတ်တဲ့ ဒေါ်အောင်ဆန်းစုကြည် အပေါ် မိမိရဲ့လုပ်ဖေါ်ကိုင်ဘက်တွေ ကိုယ်စား မိမိအနေနဲ့ ကိုယ်တိုင်ကိုယ်ကျ ကျေးဇူး ဥပကာရ တင်ရှိကြောင်း ပြောဆိုချင်ပါတယ်လို့ အင်နာ ဟဇာရီ က ရေးသားထားပါတယ်။ 

ဟဇာရီဟာ လာဘ်ပေးလာဘ်ယူ တိုက်ဖျက်ရေး အတွက် နှစ်ကြိမ်တိုင် အစာငတ်ခံဆန္ဒပြခဲ့ရာမှာ အိန္ဒိယ တပြည်လုံးက ပြည်သူတွေ တခဲနက် ထောက်ခံ အားပေးခဲ့ကြပြီး မြို့ကြီးပေါင်း ( ၄၅၀) ကျော်မှာ ဆန္ဒပြပွဲတွေ ကူးစက် ပျံ့နှံ့သွားခဲ့ပါတယ်။ 

အိန္ဒိယ အစိုးရက အင်နာ ဟဇာရီ နဲ့ စေ့စပ် ညှိနှိုင်းပြီး ဟဇာရီ ရဲ့တောင်းဆိုချက်တွေကို လိုက်လျောခဲ့ပါတယ်။

ရန်ကုန်မြို့ရှိ တက္ကသိုလ်တခု၏ ဂိတ်ဝတွင် ဝတ်စုံပြာ လုံခြုံရေး ဝန်ထမ်းများ စောင့်ကြပ်နေပုံ ဖြစ်ပါသည်။ (Photo: AFP)

အမျိူးသား ဒီမိုကရေစီ အင်အားစု NDF အမတ်ဖြစ်သူ ဒေါက်တာမြတ်ဥာဏစိုး က တက္ကသိုလ် ကျောင်းဆောင်တွေကို ပိတ်ထားမယ့် အစား အကျိူးရှိအောင် ကျောင်းသားတွေကို ပြန်လည် နေထိုင်ခွင့်ပေးဖို့ အမျိူးသားလွှတ်တော်မှာ တင်သွင်းခဲ့ရာမှာ ပညာရေးဝန်ကြီးက ငြင်းဆိုခဲ့တာ ဖြစ်ပါတယ်။ 

ဒီကိစ္စနဲ့ပတ်သက်ပြီး အမျိုးသား လွှတ်တော် ဥက္ကဌ ဦးခင်အောင်မြင့်က ပြောဆိုခဲ့ကြောင်း၊ သူ ကျောင်းသားဘ၀က အဆောင်တွေကို ကွန်မြူနစ်တွေ လာစည်းရုံးပြီး ကျောင်းသားတွေ ဆူပူအောင် လုပ်ကြောင်း၊ လုံခြုံရေးက လာတော့ ကျောင်းသားတွေသာ ခံရပြီး ကွန်မြူနစ်တွေ မရှိတော့ကြောင်း၊ အခုလည်း ကျောင်းဆောင်တွေထားရင် သူတို့အတွက် အသင့်ဖြစ်သွားမှာ ဖြစ်လို့ အဆောင်တွေ ပိတ်ထားတာ အကောင်းဆုံးလို့ ပြောသွားတဲ့ အကြောင်း အမျိူးသား ဒီမိုကရေစီသစ်ပါတီ လွှတ်တော် အမတ် ဦးဖုန်းမြင့်အောင်က ပြောပါတယ်။ 

ဒါ့အပြင် ပညာရေး ၀န်ကြီးက တချိူ့ တက္ကသိုလ်တွေမှာ အဆောင်ထားပေးပြီး၊ တချို့ကို မပေးနိုင်ရင် မမျှတရာရောက်မှာ ဖြစ်ကြောင်း၊ မဟာသိပ္ပံနဲ့ မဟာဝိဇ္ဖာတန်း ဘာသာရပ်တွေနဲ့ တက္ကသိုလ်ဆရာတွေ အတွက်ပဲ ကျောင်းဆောင်တွေ ထားပေးနိုင်မှာ ဖြစ်ကြောင်း၊ နိုင်ငံတကာ တက္ကသိုလ်တွေမှာ အဆောင်ထားတဲ့ စနစ်မရှိဘူးလို့ ပညာရေးဝန်ကြီးက ဖြေဆိုသွားတဲ့အကြောင်း ဦးဖုန်းမြင့်အောင်က ပြောပါတယ်။

ဆွစ်ဇာလန်နိုင်ငံ ဂျီနီဗာမြို့ရှိ (အိုင်အယ်လ်အို) ကမ္ဘာ့အလုပ်သမား အဖွဲ့ချုပ် ဌာနချုပ်တွင် ညီလာခံ ကျင်းပနေပုံ ဖြစ်ပါသည်။ (Photo: AFP)

အစိုးရအသစ် လက်ထက်မှာ ပထမဆုံးအကြိမ် အလုပ်သမားအဖွဲ့အစည်း ဆိုင်ရာ ဥပဒေကို ပြင်ဆင်ချက် အနည်းငယ်နဲ့ လွှတ်တော် နှစ်ရပ်စလုံးက အတည်ပြုပေးခဲ့ကြောင်း၊ ဒါကြောင့် ပြည်ထောင်စု လွှတ်တော်က အတည်ပြုပြီးသကဲ့သို့ ဖြစ်ကြောင်း အမျိုးသား လွှတ်တော် အမတ် တစ်ဦးဖြစ်သူ ဒေါက်တာ အေးမောင်က ပြောပါတယ်။ 

အာအက်ဖ်အေက ဖတ်ရှုခွင့်ရတဲ့ အလုပ်သမား အဖွဲ့ အစည်း ဆိုင်ရာ ဥပဒေမူကြမ်းမှာ တွေ့ ရှိရတဲ့ အချက်တစ်ချို့ ကတော့ အခြေခံ အလုပ်သမားအဖွဲ့ အစည်းတွေကို အလုပ်သမား ဦးရေ ၃၀ ထက်မနည်းရှိတဲ့ အရေအတွက်နဲ့ ဖွဲ့ စည်းရမယ်လို့ ပါရှိပါတယ်။ တကယ်လို့  ၃၀ မပြည့်ဘူးဆိုရင် တခြားလုပ်ငန်းတူ လုပ်ငန်းတွေက အလုပ်သမားတွေနဲ့ ပူးပေါင်းဖွဲ့ စည်းနိုင်တယ်လို့ ဆိုပါတယ်။ အခြေခံ အလုပ်သမားအဖွဲ့ အစည်း အပြင် မြို့ နယ် နဲ့ ပြည်နယ် တိုင်းဒေသကြီး ဆိုင်ရာ အလုပ်သမား အဖွဲ့ တွေလည်း ရှိမယ်လို့ ဆိုပါတယ်။ 

အလုပ်သမားအဖွဲ့ အစည်းတွေဟာ မြို့ နယ် မှတ်ပုံတင်ခြင်း ဆိုင်ရာ အရာရှိ ကနေ တဆင့် မှတ်ပုံတင် အရာရှိချုပ်ထံ ဆက်လက် တင်ပြပြီး မှတ်ပုံတင်ကြရမယ်လို့  ဆိုပါတယ်။ 

ဒါ့အပြင် အလုပ်ခွင် ပဋိပက္ခတွေနဲ့  ပတ်သက်ပြီး သပိတ်မှောက်ခွင့်လည်း ထည့်သွင်း ဖေါ်ပြထား ပါတယ်။ ဒါပေမယ့် အလုပ်ရှင်ထံ ကြိုတင် အကြောင်းကြားရမှာ ဖြစ်သလို သက်ဆိုင်ရာ အာဏာပိုင် တွေထံ သပိတ်မှောက်မည် ဖြစ်ကြောင်း နှစ်ပတ် ကြိုတင်အကြောင်း ကြားရမယ်လို့ ပါရှိပါတယ်။ 

ဒါ့အပြင် နိုင်ငံတကာ အလုပ်သမား အဖွဲ့ တွေနဲ့ လည်း ဆက်သွယ်ပြီး ပူးပေါင်းဆောင်ရွက်ခွင့်တွေလည်း ဖေါ်ပြထားသလို အလုပ်ရှင်က အလုပ်သမား တစ်ဦးကို မတရား အလုပ်ထုတ်ခဲ့ရင် အလုပ်သမား အဖွဲ့ အစည်းက အကာအကွယ် ပေးခွင့်တွေလည်း ရှိတယ်လို့  ဥပဒေ မူကြမ်းမှာ ဖေါ်ပြထားပါတယ်။ 

မနေ့က အတည်ပြုလိုက်တဲ့ အလုပ်သမား အဖွဲ့ အစည်းဆိုင်ရာ ဥပဒေ နဲ့ ပတ်သက်ပြီး ပြည်ပ အခြေစိုက် မြန်မာနိုင်ငံ အလုပ်သမားသမဂ္ဂများ အဖွဲ့ ချုပ် FTUB က ကြိုဆိုလိုက်ပါတယ်။ 

FTUB အထွေထွေအတွင်းရေးမှူး ဦးမောင်မောင် ကို ဦးဝင်းနိုင်က ဆက်သွယ်မေးမြန်းခဲ့ပါတယ်။ 

	ဆက်သွယ်မေးမြန်းချက်။
	အသံဖိုင်ယူရန်။

အမျိုးသား ဒီမိုကရေစီ အဖွဲ့ချုပ် တရားဝင် ရပ်တည်ခွင့်အတွက် တရားရုံးသို့ တင်ပြ လျှောက်ထားသည့် အမှုနှင့် ပတ်သက်၍ ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်နှင့် ရှေ့နေ ဦးဉာဏ်ဝင်းတို့ နိုဝင်ဘာ ၁၆ ရက်က ရန်ကုန်မြို့၊ ဗဟိုတရားရုံးချုပ်သို့ ရောက်ရှိလာပုံ ဖြစ်ပါသည်။ (Photo: AFP)

ပါတီအနေနဲ့တရားဝင် ဆုံးဖြတ်ချက် မချရသေးပေမဲ့၊ အန်အယ်လ်ဒီရဲ့ နိုင်ငံရေး လုပ်ငန်းစဉ်တွေထဲမှာ အဓိက အချက်တစ်ခု အနေနဲ့ ထည့်သွင်းထားတယ်လို့ ပြောခွင့်ရ ပုဂ္ဂိုလ် ဗဟိုအလုပ်အမှုဆောင် အဖွဲ့ဝင် ဦးဥာဏ်ဝင်းက ပြောပါတယ်။ 

” ပြန်လည်မှတ်ပုံတင်ဖို့ ဆိုတာ စဉ်းစားတဲ့အထဲတော့ ပါတာပေါ့။ လုံးဝ မှတ်ပုံတင်မယ်လို့ ဆုံးဖြတ်ထားတာ မရှိဘူး၊ အခြေအနေ တစ်ရပ်ရပ်က မှတ်ပုံတင်ဖို့ အကြောင်းကို တိုင်းပြည်နဲ့လူမျိုးအတွက် လက်တွေ့ကျကျ ဆောင်ရွက်နိုင်မယ့် အခြေအနေ တစ်ရပ် ပေါ်ပေါက်လာရင် ကျနော်တို့စဉ်းစားမှာပါ “ 

လို့ ဦးဥာဏ်ဝင်းက ပြောဆိုခဲ့ပါတယ်။ ဗဟိုအလုပ်အမှုဆောင် အဖွဲ့ဝင် ဦးဝင်းတင်ကလည်း မိမိတို့ အနေနဲ့ ဒီမိုကရေစီပါတီ တစ်ရပ် ဖြစ်တာနဲ့ အညီ တရားဝင် မှတ်ပုံတင်တာကို လိုလားကြောင်း၊ ဒါပေမဲ့ ၂၀၀၈ အခြေခံ ဥပဒေက ကန့်လန့်ခံနေတဲ့ အတွက် ဒီအပေါ် အစိုးရဘက်က ဘယ်လို အလျော့အပေါ့၊ အပြောင်းအလဲ အပြင်အဆင် လုပ်ပေးနိုင်မလဲ ဆိုတဲ့ အပေါ် တည်ကြောင်း ပြောဆိုခဲ့ပါတယ်။ ဆက်လက်ပြောဆိုရာမှာ - 

” သို့သော် ထူးဆန်းတာက အရင်တုန်းက အစိုးရက၊ စာပေစိစစ်ရေးက ခွင့်ပြုထားတဲ့ စကားလုံး အသုံးအနှုန်းက တရားဝင် နိုင်ငံရေးပါတီ အဖြစ်မှ ဖျက်သိမ်းထားသော NLD လို့ သုံးရတယ်ဗျ၊ အခု ရက်ပိုင်းအတွင်း ဘာပြောင်းလာလဲဆိုတော့ တရားဝင် မှတ်ပုံတင်ခြင်း မပြုရသေးသော NLD လို့ သုံးတယ်ဗျ” လို့ ပြောပါတယ်။ 

ဒီကနေ့မှာတော့ အမျိူးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်နဲ့ အလုပ်သမား ၀န်ကြီး ဦးအောင်ကြည်တို့ တွေ့ဆုံဆွေးနွေးကြမှာ ဖြစ်ပါတယ်။

အမေရိကန် နိုင်ငံခြားရေး ၀န်ကြီးဌာန ထိပ်တန်း အရာရှိများနှင့် မြန်မာအစိုးရ နိုင်ငံခြားရေးဝန်ကြီး ဦးဝဏ္ဏမောင်လွင်တို့ ၀ါရှင်တန်ဒီစီ မြို့ တော်မှာ ၂၀၁ ခုနှစ် စက်တင်ဘာလ ၂၉ ရက်နေ့က တွေ့ဆုံခဲ့ကြောင်း အမေရိကန် နိုင်ငံခြားရေး ၀န်ကြီးဌာန၏ ပုံမှန် သတင်းစာ ရှင်းလင်းပွဲတွင် ပြောခွင့်ရပုဂ္ဂိုလ် Mark Toner က ရှင်းပြနေစဉ်။ ဓါတ်ပုံ – အမေရိကန် နိုင်ငံခြားရေး ၀န်ကြီးဌာန

မြန်မာနိုင်ငံဆိုင်ရာ အမေရိကန် ကိုယ်စားလှယ် မစ္စတာ Derek Mitchell အပါအ၀င် အမေရိကန် အစိုးရ နိုင်ငံခြားရေးဌာန အာရှ-ပစ္စဖိတ် ဒေသ ဆိုင်ရာ ထိပ်တန်း အရာရှိတွေနဲ့ တွေ့ ဆုံဆွေးနွေးခဲ့တယ်လို့ သိရပါတယ်။ 

ဒါဟာ အမေရိကန်နဲ့ မြန်မာ အစိုးရ ဆက်ဆံရေး တိုးတက်တဲ့ လက္ခဏာ ပြသလာတာ ဖြစ်တယ်လို့  သုံးသပ်ကြပါတယ်။ 

ပြီးခဲ့တဲ့ သီတင်းပတ် အတွင်းက နယူးယောက်မြို့ မှာ နှစ်ဖက်တွေ့ ဆုံ ဆွေးနွေးခဲ့တဲ့ အပြင် မစ္စတာ မစ်ရှဲရဲ့ မြန်မာနိုင်ငံ ခရီးစဉ် နောက်ဆက်တွဲ အဖြစ် ထပ်မံ တွေ့ ဆုံတာ ဖြစ်ကြောင်း နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ မစ္စတာ Mark Toner က ပြောပါတယ်။ 

မြန်မာအစိုးရအနေနဲ့ အမေရိကန်အစိုးရနဲ့ ဆက်ဆံရေး ကောင်းမွန်လိုတယ်ဆိုရင် ထောင်နဲ့ ချီတဲ့ နိုင်ငံရေး အကျဉ်းသားတွေကို ပြန်လွှတ် ပေးရမှာ ဖြစ်သလို၊ မြန်မာနိုင်ငံမှာ စစ်မှန်တဲ့ အပြောင်းအလဲတွေ ပေါ်ထွန်းလာရေး အတွက် ဒေါ်အောင်ဆန်းစုကြည်နဲ့ ပါ တွေ့ ဆုံ ဆွေးနွေးဖို့  လိုအပ်တယ်လို့ အမေရိကန် အထူး ကိုယ်စားလှယ်က သူ့ ရဲ့မြန်မာနိုင်ငံ ခရီးစဉ် အတွင်းမှာ ပြောခဲ့တယ်လို့ သိရပါတယ်။ 

မြန်မာအစိုးရရဲ့ ဒေါ်အောင်ဆန်းစုကြည်နဲ့ တွေ့ ဆုံဆွေးနွေးမှုကို အမေရိကန် အစိုးရ အနေနဲ့  ကြိုဆို လိုက်သလို စစ်မှန်တဲ့ နိုင်ငံရေး ပြောင်းလဲမှုတွေ ဖြစ်လာဖို့ အတွက် ဆက်လက် တိုက်တွန်း သွားမယ်လို့  ဆိုပါတယ်။ ဒါ့အပြင် မြန်မာအစိုးရဟာ နျူကလီးယား လက်နက် မပြန့် ပွားရေး နိုင်ငံတကာ သဘောတူညီချက်တွေကို လိုက်နာဖို့ ကိုလည်း အမေရိကန် အစိုးရ အနေနဲ့ တိုက်တွန်း ဆွေးနွေးသွားမယ်လို့ ပြောပါတယ်။ 

လက်ရှိ အမေရိကန်အစိုးရရဲ့ မြန်မာနိုင်ငံ ဆိုင်ရာ မူဝါဒဟာ တွေ့ဆုံ ဆွေးနွေးမှုနဲ့ ပိတ်ဆို့ အရေးယူမှု နှစ်ရပ်စလုံးကို ဆက်လက် ကိုင်စွဲ ထားကြောင်းလည်း ပြောဆိုခဲ့ပါတယ်။

ဟာသသရုပ်ဆောင်နှင့် ဒါရိုက်တာ ဇာဂနာ ခေါ် ကိုသူရ။ (Photo: thisprisonwhereilive.co.uk)

သူ့ကို မြစ်ကြီးနားထောင် ကနေ ဒီကနေ့ မန္တလေးကို ခေါ်လာပြီး မနက်ဖန် မနက် လေယဉ်ပျံနဲ့ ရန်ကုန်လေဆိပ်ကို ရောက်ရှိမှာ ဖြစ်ပါတယ်။ 

ဒီသတင်းကို နေပြည်တော် အသိုင်းအ၀န်းက ရရှိတာ ဖြစ်ပြီး မိသားစုတွေကို ကြိုတင် အသိပေးထားခြင်း မရှိပဲ နေအိမ်ကို ထောက်လှမ်းရေးအဖွဲ့က လိုက်လံ ပို့ဆောင်မယ်လို့လည်း သိရပါတယ်။ 

ဒါပေမယ့် ဒီသတင်းကို သူတို့ဘာမှ မသိကြောင်း ဒီကနေ့လည်ပိုင်းထိတော့ ကိုဇာဂနာ မြစ်ကြီးနားထောင်ထဲမှာ ရှိနေသေးကြောင်း ကြားရတယ်လို့ ခယ်မဖြစ်သူ မငြိမ်းကပြောပါတယ်။ 

ဒီနေ့ ထင်ရှားတဲ့ နိုင်ငံရေး အကျဉ်းသားတွေ ပြန်လွတ်လာတယ် ဆိုတဲ့ သတင်းတွေ ထွက်ပေါ်ခဲ့ပါတယ်။ ဒါကြောင့် လူရွှင်တော် ကိုဇာဂနာနဲ့ ကျောင်းသား ခေါင်းဆောင် ကိုမင်းကိုနိုင်တို့ ပြန်လွတ်လာသလား ဆိုပြီး သတင်း မီဒီယာတွေက မိသားစုတွေကို ဆက်သွယ်မေးမြန်း နေကြတယ်လို့ သိရပါတယ်။ 

ကိုမင်းကိုနိုင်ကို မိသားစုတွေ သွားမတွေ့နိုင်တာ ၃ လလောက် ရှိနေပြီး လာမယ့် အောက်တိုဘာလ ၁၈ ရက်မှာ ကျရောက်မယ့် ကိုမင်းကိုနိုင် မွေးနေ့ မတိုင်ခင်တော့ သွားတွေ့ဖို့ ရည်ရွယ်ထားတယ်လို့ ကိုမင်းကိုနိုင်ရဲ့ အမဖြစ်သူ ဒေါ်ကြည်ကြည်ညွန့်ကပြောပါတယ်။ 

သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ တွေ့ဆုံပွဲနဲ့ အလုပ်သမားဝန်ကြီး ဦးအောင်ကြည်တို့ တွေ့ဆုံပွဲတွေမှာ ဒေါ်အောင်ဆန်းစုကြည်က နိုင်ငံရေး အကျဉ်းသားတွေ လွှတ်ပေးဖို့ ပြောဆိုဆွေးနွေး တယ်ဆိုတဲ့ သတင်းတွေ ထွက်ပေါ်ခဲ့ သလို၊ ဦးသိန်းစိန် အစိုးရရဲ့ နိုင်ငံခြားရေးဝန်ကြီး ဦးဝဏ္ဏမောင်လွင် ကလည်း နိုင်ငံတော် သမ္မတ အနေနဲ့ အခြေခံ ဥပဒေပါ လုပ်ပိုင်ခွင့်နဲ့အညီ သင့်တော်တဲ့ အချိန်မှာ အကျဉ်းသားတွေကို လွတ်ငြိမ်း ချမ်းသာခွင့်ပေးဖို့ ရှိနေတယ်လို့ ကုလသမဂ္ဂ အထွေထွေညီလာခံမှာ ပြောတဲ့ မိန့်ခွန်းမှာ ထည့်သွင်း ပြောဆိုခဲ့ပါတယ်။ 

ဒီရက်ပိုင်းအတွင်း နိုင်ငံရေး အကျဉ်းသား (၂၀၀) ကျော် ပြန်လွတ်လာမယ်ဆိုတဲ့ သတင်းတွေ ထွက်ပေါ်နေစဉ်မှာ အခုလို ကိုဇာဂနာကို အစိုးရက လွှတ်ပေးလိုက်ပြီလို့ ကြားရခြင်းပါပဲ။ 

ဒီသတင်းကို နေပြည်တော် အသိုင်းအ၀န်းက ရရှိတာ ဖြစ်ပေမယ့် တခြား သတင်းဌာနတွေရဲ့ အတည်ပြုချက်တော့ မရသေးပါဘူး။

စစ်အစိုးရနှင့် အပစ်အခတ် ရပ်စဲထားသော တိုင်းရင်းသား လက်နက်ကိုင်အဖွဲ့များတွင် အင်အားအကောင်းဆုံး ဝပြည် သွေးစည်းညီညွတ်ရေးတပ် (UWSA) ၂၀ဝ၉ ဧပြီ ၁၇ရက် ဝပြည်နယ် ငြိမ်းချမ်းရေးနေ့ နှစ် ၂၀ ပြည့်အခမ်းအနားတွင် စစ်ရေးပြနေပုံ ဖြစ်ပါသည်။ (Photo: Courtesy of UWSA)

ပြီးခဲ့တဲ့ စက်တင်ဘာ ၅ ရက်နေ့နဲ့ ၆ ရက်နေ့တွေက ရှမ်းပြည်နယ် အစိုးရနဲ့ ၀ပြည် သွေးစည်းညီညွတ်ရေး အဖွဲ့တို့ ကျိုင်းတုံမြို့မှာ တွေ့ဆုံပြီး ယာယီ သဘောတူညီချက် လေးချက်ကို လက်မှတ် ရေးထိုးခဲ့ပါတယ်။ 

အခုလို လက်မှတ် ရေးထိုးခဲ့ပြီးတဲ့နောက် အောက်တိုဘာလ အတွက် အစိုးရက UWSA ကို ရိက္ခာ ထောက်ပံ့ရေး အစီအစဉ် အရ ဆန်အိတ် တထောင် လားရှိုးမြို့မှာ ထုတ်ပေးလိုက်တာပါ။ ဒီထောက်ပံ့မှုဟာ အရင်က ထောက်ပံ့တဲ့ ပုံစံဖြစ်တယ်လို့ UWSA အရာရှိ တဦးက ပြောပါတယ်။ 

“လားရှိုးကထုတ်ပြီး ရှေ့တန်းတပ်တွေကို ပြန်ဖြန့်ပေးတာပေါ့။ အဲဒီမှာ ကျနော်တို့ရဲ့ ၃၁၈ တပ်မဟာတို့၊ ၄၁၈ တပ်မတို့ တန့်ယန်းနဲ့ နီးတဲ့တပ်တွေက အဲဒီ ဆန်တွေ စားကြတယ်လေ။ ဆန်က မကောင်းတော့ ဆန်ကို လားရှိုးမှာ ရောင်း၊ ပြီးတော့ ရောင်းရတဲ့ငွေကို ဘဏ္ဍာရေး ဌာနကို လာအပ်တယ်။ ဘဏ္ဍာဌာနက တရုတ်ပြည်က ဆန်ကို ၀ယ်ပြီးတော့ တပ်တွေကို ပြန်ထောက်ပံ့တယ်။” 

အရင် ငြိမ်းချမ်းရေး ယူပြီးတဲ့ အချိန်က စပြီး UWSA ကို အစိုးရက လစဉ် ဆန်အိတ်လေးထောင်၊ လောင်စာဆီ ပီပါ ၃၀၀ နှင့် ရဲလစာ မြန်မာကျပ်ငွေ ၁၀သိန်း ထုတ်ပေးနေရာမှာ ၂၀၀၉ ခုနှစ် က နယ်ခြားစောင့်တပ် ဖွဲ့စည်းရေးနဲ့ ပတ်သက်ပြီး UWSA က လက်မခံတဲ့ အတွက် ထောက်ပံ့တာတွေကို ရပ်ဆိုင်းလိုက်တာ ဖြစ်ပါတယ်။ 

ဒီအတောအတွင်း UWSA ကိုယ်စားလှယ် အဖွဲ့တဖွဲ့ဟာ အစိုးရနဲ့ ဒုတိယ အကြိမ် ငြိမ်းချမ်းရေး စကားပြောဆိုဖို့ ဒီကနေ့ လားရှိုးမြို့ကို ထွက်ခွာသွားတယ်လို့ သတင်းရရှိပါတယ်။ 

ဆွေးနွေးပွဲကို အောက်တိုဘာ ၁ ရက်နေ့မှာ ကျင်းပဖို့်ရှိတယ်လို့ သိရပါတယ်။ ပြီးခဲ့တဲ့ ရက်ပိုင်းကတော့ အစိုးရနဲ့ စစ်ဖြစ်နေတဲ့ KIO ကိုယ်စားလှယ် အဖွဲ့ UWSA ထိပ်ပိုင်း ခေါင်းဆောင်တွေနဲ့ လာရောက် ဆွေးနွေးတယ်ဆိုတဲ့ သတင်းတွေ ရရှိသလို ဆွေးနွေးပွဲ အောင်မြင်မှု မရရှိဘူးဆိုတဲ့ အတည်ပြုလို့ မရတဲ့ သတင်းတွေ ရရှိပါတယ်။

ဦးဝဏ္ဏမောင်လွင်ဟာ ဒီကနေ့ ကြာသပတေးနေ့ နေ့လည်ပိုင်းမှာတော့ အမေရိကန် အစိုးရရဲ့ မြန်မာနိုင်ငံ ဆိုင်ရာ အထူးကိုယ်စားလှယ် Mr. Derek Mitchell နဲ့ ၀ါရှင်တန် မြို့တော်မှာ တွေ့ဆုံမယ်လို့ အမေရိကန် နိုင်ငံခြားရေး ၀န်ကြီးဌာနက RFA ကို ပြောပါတယ်။ 

မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်ဟာ နယူးယောက်မြို့မှာ ကျင်းပနေတဲ့ ကုလသမဂ္ဂ အထွေထွေ ညီလာခံ တက်ရောက်ဖို့ အမေရိကန် ပြည်ထောင်စုမှာ ရောက်ရှိနေတာ ဖြစ်ပါတယ်။ သူဟာ အင်္ဂါနေ့က ကုလသမဂ္ဂ ရုံးချုပ်မှာ မိန့်ခွန်းပြောကြားခဲ့ပြီး၊ ဦးသိန်းစိန် အစိုးရအနေနဲ့ မကြာခင်မှာ အကျဉ်းသားတွေ လွှတ်ပေးဖို့ အစီအစဉ် ရှိကြောင်း ကတိပြု ပြောဆိုခဲ့ပါတယ်။ 

ဒီအတောအတွင်း သမ္မတ ဦးသိန်းစိန်ဟာ မကြာခင် အိန္ဒိယ၊ တရုတ်နဲ့ အင်ဒိုနီးရှား နိုင်ငံတွေကို ခရီးသွားရောက်ဖို့ ပြင်ဆင်နေတယ်လို့ နေပြည်တော် သမ္မတရုံးနဲ့ နီးစပ်သူတွေက RFA ကို ပြောပါတယ်။ 

ဦးသိန်းစိန်ဟာ အောက်တိုဘာ လလယ်ပိုင်းမှာ အိန္ဒိယနိုင်ငံကို သွားရောက်ပြီးနောက်၊ တရုတ်နိုင်ငံကို ဆက်လက်သွားရောက်မယ်လို့ သိရပါတယ်။ အဲဒီနောက် နိုဝင်ဘာလ ၁၄ ရက်ကနေ ၁၉ ရက်အထိ အင်ဒိုနီးရှားနိုင်ငံ ဘာလီမြို့မှာ ကျင်းပမယ့် အာဆီယံ ထိပ်သီး ဆွေးနွေးပွဲကိုတက်ရောက်မယ်လို့ ဆိုပါတယ်။ 

မြန်မာနိုင်ငံက တောင်းဆိုထားတဲ့ ၂၀၁၄ ခုနှစ် အာဆီယံ ဥက္ကဌရာထူး အတွက် ဘာလီကျွန်းမှာ ကျင်းပမယ့် ၁၉ ကြိမ်မြောက် အာဆီယံ ထိပ်သီး ညီလာခံက အပြီးသတ် ဆုံးဖြတ်ချက် ချမှတ် ဖြစ်ပါတယ်။ ဒီညီလာခံကို အမေရိကန်သမ္မတ ဘားရက် အိုဘားမား၊ ရုရှားဝန်ကြီးချုပ် ဗလာဒီမီယာ ပူတင် စတဲ့ ထင်ရှားတဲ့ ကမ္ဘာ့ခေါင်းဆောင်တွေလည်း တက်ရောက်ကြမှာ ဖြစ်ပါတယ်။